Бизнис

Секоја четврта фирма не издавала фискални сметки, УЈП со куп неправилности во евидентирање на прометот

Активистите на УЈП не значат повеќе контроли и повеќе казни, туку разни мерки. Минатата година фокусот бил ставен на угостителството, трговијата на мало и некои услужни дејности.

2 минути за читање

Само лани инспекцијата од УЈП направила 6.300 теренски контроли и како што изјави директорката на, Елена Петрова, тие покажуват дека „состојбите на терен не се добри, затоа што секоја четврта контрола завршува со неправилност во евидентирање на готовински промет“. По контролите биле изречени 3.200 глоби и 120 мерки за привремена забрана за вршење дејност со запечатување на објектите. Минатата година имало и 4.200 советодавни посети во ризични дејности за генерирање сива економија.

  • Селекцијата на објектите каде што се вршат контролите не е субјективна, туку се темели на анализа на ризик. Контролите сега не се само пребројување на касите, туку навлегуваме и во економската суштина на работењето, изјави Петрова.

Петрова имаше средба Совет за даночна усогласеност составен од претставниците на УЈП и даночните обврзници, а присутен беше и Државниот пазарен инспекторат, фокусот беше ставен на сивата економија која нанесува штета на државната каса, но значи и нелојална конкуренција за компаниите.

  • Сивата економија е системски предизвик и долгогодишно егзистира. Борбата не можеме да ја водиме со изолирани мерки, туку се потребни континуирани политики и поврзан институционален пристап, затоа повеќе државни органи потпишаа партнерство за борба против неформална економија, рече директорката.

Таа потенцираше дека активистите на УЈП не значат повеќе контроли и повеќе казни, туку разни мерки. Минатата година фокусот бил ставен на угостителството, трговијата на мало и некои услужни дејности.

  • Ризикот таму произлегува од тоа што плаќањата се претежно готовински, кои ја хранат сивата економија. Оваа година продолжуваме во овие дејности, но се насочуваме и кон други кои се поврзани со синџирот на угостителските или малопродажните објекти. Покрај овие дејности на дистрибуција, активностите продолжуваат и кон издавање, ќе работиме пофокусирано на краткотрајното издавање, односно на туристичките капацитети, рече Петрова.

 

Поврзани теми:

фирми|фискални сметки|инспектор|топ|избор|УЈП|економија|данок

Повеќе на оваа тема:

Најнови вести од: Бизнис

Каматите мируваат, новите кредити поскапи – монетарно движење во април

Просечната каматна стапка на вкупните депозити на годишна основа бележи намалување од 0,04 п.п., при што во април таа изнесува 2,16%, наведува Народна банка. Просечната каматна стапка на вкупните кредити, во април 2026 година, изнесува 4,70% и е непроменета во однос на претходниот месец, додека на годишна основа оствари пад од 0,41 п.п. Просечната каматна стапка на вкупните депозити бележи месечно и годишно намалување од 0,02 п.п. и 0,04 п.п., соодветно и изнесува 2,16%.

Ристески на средба со винариите: Упатен повик за аплицирање на достапната институционална поддршка

Владата и Министерството за економија и труд се партнери на домашните винопроизводители, само преку заеднички дијалог и соработка можеме да креираме квалитетни политики кои ќе овозможат долгорочен развој на македонската винска индустрија и лозарство.
Сите вести од Бизнис

Најнови вести

To top