Бизнис

Струјата не само што не е поскапена, туку од јануари се бара формула за поевтинување, вели премиерот

Вие се сеќавате, тие зборуваа дека ќе сме банкротирале 2024, па не банкротиравме. Потоа велеа ќе банкротираме 2025 сигурно, постигнавме историски најголем резултат и раст. Сега шират иста теза дека 2026 сигурно банкротираме, еве повторно имам лоша вест за нив, не само што нема да банкротираме, туку ќе гледаат сѐ повеќе вакви проекти како овој, како се реализираат, изјави премиерот за тезите на СДСМ дека Македонија ја чека тешка есен со високи цени на струјата и банкрот.

2 минути за читање

Претседателот на Владата Христијан Мицкоски денеска одговарајќи на прашање во однос на обвинувањата од Венко Филипче дека нѐ очекува тешка есен на енергетски план и дека се очекува повисока цена на струја, одговори:

  • Видете, претпоставувам дека тие ќе продолжат на ваков начин да водат политика. Вие се сеќавате, тие зборуваа дека ќе сме банкротирале 2024, па не банкротиравме. Потоа велеа ќе банкротираме 2025 сигурно, постигнавме историски најголем резултат и раст. Сега шират иста теза дека 2026 сигурно банкротираме, еве повторно имам лоша вест за нив, не само што нема да банкротираме, туку ќе гледаат сѐ повеќе вакви проекти како овој, како се реализираат.

Премиерот истакнува дека трета година од мандатот на Владата, цената на електричната енергија за граѓаните, како што вели, не само што не е поскапена, туку се обидуваме да најдеме формула од јануари месец да поевтинивме.

  • А во времето на Владата на СДСМ и ДУИ, таа порасна за една третина, цената, зборувам на електричната енергија. Тоа се мерливи и компаративни резултати и бројки. По тоа ние можеме да споредуваме, а не по политичка лажна реторика – додава Мицкоски.

Првиот човек на Владата вели дека и на следните избори ВМРО-ДПМНЕ ќе победи и ќе состави влада. Тој се осврна на соопштенијата на СДСМ во кои СДСМ тврдеше дека во Македонија илегално ќе се доселуваат мигранти поради договорот за партнерство со Велика Британија.

  • Исто така, ако се сеќавате зборуваа дека во март-април доаѓале мигранти. Од Велика Британија доаѓале мигранти, еве го, јули сме на средина, мигранти нема. Повторно ширеа хистерија, повторно се обидуваа на тој начин да водат политика. Неколку дена ги слушаме, како дилерот од Кочани му бил отворен прозорот, па тој избегал. Еве вчера е приведен, онаму е однесен каде што му е местото, во затвор. Исто како што оние беа пронајдени во Драч и исто така донесени овде. Ние ќе се соочиме со една небулозна ситуација од страна на опозицијата. Тие колку повеќе лажат, толку повеќе тонат.

Премиерот вели дека граѓаните и во иднината ќе бидат сведоци на вакви соопштенија на СДСМ и дека мора да се навикнеме на, според него, ваков тип на некреативна и незрела политика.

Поврзани теми:

топ|актуелно|Мицкоски|струја|поевтинување

Повеќе на оваа тема:

Најнови вести од: Бизнис

НОМАГАС: Македонија се вклучува во проширувањето на Вертикалниот коридор кон Западен Балкан

Македонија направи значаен чекор кон вклучување во проширениот Вертикален коридор. НОМАГАС АД Скопје, заедно со Transportgas Srbija, за првпат учествуваше во работните разговори на операторите на системите за пренос на природен гас, одржани во Атина, со што Западен Балкан се вклучува во понатамошниот развој на иницијативата, соопшти НОМАГАС.

Се враќаат на пруга патничките возови Скопје-Битола и Битола-Скопје

ЖРСМ Инфраструктура информира дека по завршените градежни работи на пругата Скопје – Битола – Жабени, во делот од станица Бакарно Гумно до товариште „Никола Карев“, од утре, 15 јули 2026 година, ќе почнат да сообраќаат патничките возови на релација Скопје – Битола и Битола – Скопје.

Повик за компании: Искористете бесплатна експертска поддршка од канадски советници

Избраните компании ќе имаат можност да соработуваат со искусни канадски советници, професионалци со долгогодишно меѓународно искуство, кои ќе обезбедат практични совети и насоки за конкретни деловни предизвици и развојни можности, согласно потребите на компанијата.

Македонија има потенцијал да го забрза економскиот раст, вели Карол Межеван од Светска банка

За целосно искористување на овој потенцијал ќе бидат потребни континуирани напори за зајакнување на конкуренцијата, доброто управување, развојот на вештините и интеграцијата со единствениот пазар на Европската Унија.

Ќе се гради пловечка фотоволтаична централа на акумулацијата „Шпилје“

Ова лето ќе почне да се реализира третата фаза од ревитализацијата на ХЕС „Црн Дрим“ каде што најголемиот дел од инвестициите ќе бидат насочени токму кон хидроелектраните „Глобочица“ и „Шпилје“.
Сите вести од Бизнис

Најнови вести

To top