Бизнис

„Тинекс“ и официјално има нов газда – Лиридон Бериша од Косово е нов директор

Во 2025 година приходите на „Тинекс“ се намалија на 5,31 милијарди денари, односно за околу 16,5 отсто во однос на 2024 година. Приходите само од продажба на производи паднаа за околу 16,5 отсто. Во исто време, беше прикажана годишна нето-загуба од 217 милиони денари.

„Тинекс“, еден од најголемите малопродажни синџири за трговија во земјата, од изминатиот петок официјално има нов сопственик. Проекс Интернационал од Приштина е нов сопственик на Тинекс Маркет на местото на Тинекс-МТ. Така, по повеќе од три децении домашна сопственост, „Тинекс“ отвора ново поглавје, пренесе Фактор. Нов управител е Лиридон Бериша од Косово на местото на Кристина Тодоровиќ-Николиќ. Според достапниот професионален профил, од септември 2020 година тој е CEO за логистика во Interex Supermarket, а претходно бил Chief Marketing Officer во Viva Fresh Store од 2019 до 2020 година.

Претходно Комисијата за заштита на конкуренцијата даде одобрение за концентрацијата со која косовската компанија „Проекс Интернационал“ Л.Л.Ц. од Приштина ќе стекне контрола врз новоформираното друштво „Тинекс Маркет“ ДООЕЛ Скопје, преку кое треба да биде преземен малопродажниот бизнис на „Тинекс“. Одлуката на КЗК е донесена на 25 август 2026 година. Станува збор за трансакција која го опфаќа бизнисот со супермаркети што досега го управуваше „Тинекс-МТ“, под брендовите „Тинекс“, „СуперТинекс“, „Тинекс Деликатес“, „Конто“ и „Спот“.

„Проекс Интернационал“ е компанија од Приштина чија основна дејност е трговија на мало во неспецијализирани продавници, претежно со храна, пијалаци и тутунски производи. Таа е дел од пошироката „Проекс група“, која има активности во увоз и дистрибуција на стоки за широка потрошувачка, малопродажба, управување со супермаркети, логистика, како и трговија, складирање и дистрибуција на нафтени деривати.

Во 2025 година приходите на „Тинекс“ се намалија на 5,31 милијарди денари, односно за околу 16,5 отсто во однос на 2024 година. Приходите само од продажба на производи паднаа за околу 16,5 отсто. Во исто време, беше прикажана годишна нето-загуба од 217 милиони денари.

Најнови вести од: Бизнис

Европската бизнис-асоцијација ги поврза студентите со бизнис-приказните – Глобална недела на претприемништвото

Студенти од економските факултети при УКИМ, УГД и ЈИЕУ имаа можност да разговараат со претставници на компании од различни сектори за препознавањето на потребите на пазарот, започнувањето сопствен бизнис и вештините потребни за негов развој.

(Фото): Николоски во Виена повика на регионална соработка и поврзување

Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар.

„Со свои раце, создадено со љубов“: 17. издание на Фестивалот на младо вино на „Тиквеш“ ги обедини луѓето и винската традиција

Фестивалот е и многу повеќе од прослава на младото вино, тој е прослава на луѓето, заедништвото, љубовта и вербата во иднината. Токму тие вредности се во сржта на филозофијата на „Тиквеш“, компанија која ја надградува својата богата традиција со знаење, иновации и современи пристапи, останувајќи посветена на создавањето вина и искуства што ги поврзуваат луѓето.

ЕВН вработува инженери, огласот е отворен до 23 ноември

Заинтересираните кандидати треба да имаат завршено средно електротехничко образование – IV степен, насока енергетика. Дополнителни квалификации за работа под напон, положен стручен испит за ракување со енергетски уреди и постројки, како и познавање компјутерски вештини ќе се сметаат за предност.

To top