Михаил Николовски (15), ученик во СОУ „Ѓорги Наумов“ од Битола, влезе во Егејското море и помогна да се спаси тричлено семејство од Бугарија.
Драмата се одвивала на плажата во Олимпијада, Грција. Мајката, таткото и нивното дете се нашле во опасност откако силните бранови ги однеле подлабоко во морето.
Во критичниот момент Николовски без двоумење влегол во разбрануваното море. Според сведоштвото на неговото семејство, најпрво успеал да ја извлече жената, потоа детето, а на крај и таткото, со што целото семејство безбедно излегло од водата.
По спасувањето, присутните на плажата го поздравиле младиот битолчанец со силен аплауз.