Во полицискиот билтен е регистриран случај на врсничко насилство во Основно училиште во скопската населба Карпош.
Инцидентот се случил вчера околу 14:30 часот, кога 10-годишно дете било физички нападнато од двајца соученици во училишниот ходник.
Подоцна, во училишниот двор, напаѓачите му се заканувале и го навредувале, при што едниот од нив го снимал настанот со мобилен телефон. Полицијата соопшти дека се преземаат мерки за расчистување на случајот.