Две девојки од Тетово вчера скокнале од такси во движење бидејќи таксистот не ги однел на бараната локација, соопшти Министерството за внатрешни работи.
Вчера во 16 часот и 30 минути Д.Ќ. пријавил дека неговата девојка Е.И. (20) и нејзината 16-годишна другарка, двете од селото Пршовце, Тетовско, додека биле во такси-возило, скокнале од него додека возилото било во движење. Причината била што возачот почнал да се однесува непримерно, не го запрел возилото и не ги однел на бараната локација.
Откако скокнале од возилото во движење, тие побарале помош. За случајот е известен јавен обвинител и Центарот за социјални работи Тетово.