Пожарот што избувна во Визбегово е ставен под контрола, иако и таму чади местото каде што со часови гореше приватен имот со стари автомобили. Како што изјави командирот на пожарникарната бригата, со тешка механизација, пожарникари и ангажирани работници, цела ноќ се гаснел пожарот што избувна во Визбегово на отпад за старо железо.
Во акцијата биле вклучени и дополнително ангажирани работници, со цел побрзо локализирање на пожарот.
- „Пожарот во Визбегово е сè уште активен, но под контрола. На лице место се екипи од БППЗ на Град Скопје“, велат од Центарот за управување со кризи.
Според информациите, пожарот настанал откако се запалила машина во отпадот.
Според надлежните, пожарот настанал од запалена машина за мелење железо. Дека состојбата се следи, велат и од ЦУК, чии екипи остануваат на терен. Истата компанија, според надлежните, имала идентичен случај пред една година, кога со денови гореше депонијата со отпад од возила, предизвикувајќи штета врз животната средина.
И покрај што се интервенирало со сите капацитети на противпожарната служба, огнот е ставен под контрола и нема опасност од ширење. Се делувало и со авион. Обвинителството поднесе обвинение против неколку физички лица и едно правно лице за кривично дело – загрозување на животната средина со отпад, согласно член 230 од Кривичниот законик. Од полицијата рекоа дека работат на утврдување на причините за настанувањето на пожарот.