Хроника

Напната ситуација во Чаир: Полицајците биле принудени да пукаат

Од МВР информираат дека се преземаат сите неопходни мерки за целосно расчистување на случајот и утврдување на сите околности и одговорни лица.

1 минута за читање

Вистинска драма се одвивала вчера попладнево во скопската општина Чаир, каде тројца полициски службеници биле спречени да го приведат осомничено лице, по што биле принудени да испукат предупредувачки куршуми во воздух.

Според информациите од Министерството за внатрешни работи, инцидентот се случил на 23 април околу 18:45 часот. Полицајците вршеле службени дејствија за приведување на лице кое се бара поради сомнение за сторено кривично дело.

Во тој момент, група од околу десетина лица се вмешала и активно почнала да ги спречува полициските службеници во извршување на нивната задача. Бидејќи лицата не ги почитувале наредбите, полицајците биле принудени да испукат предупредувачки куршуми во воздух.

Од МВР информираат дека се преземаат сите неопходни мерки за целосно расчистување на случајот и утврдување на сите околности и одговорни лица.

Поврзани теми:

полиција|пукање|Чаир|приведување|топ

Повеќе на оваа тема:

Најнови вести од: Хроника

Доживотен затвор за серискиот убиец Трајко Бојковски, поради четири убиства и два обида за убиство на жени

Основниот суд во Куманово денеска ја изрече пресудата за Трајко Бојковски, обвинет за четири убиства и два обида за убиство на жени во регионот на Старо Нагоричане. Судот го осуди Бојковски на казна доживотен затвор, со што заврши првостепената судска постапка која предизвика голем интерес во јавноста.

Од 12 октомври 2026 започнува „Безбеден град“ во Охрид, Струга, Кичево и во Дебар

Министерството за внатрешни работи ја известува јавноста дека од понеделник (12.10.2026), системот за сообраќаен надѕор „Безбеден град“ започнува со работа и на подрачјето на СВР Охрид, односно и во Струга, Кичево и во Дебар.

Притвор и куќен притвор на двете вработени во АД „Државна лотарија“ за проневера на 1,3 милиони евра

Судија на претходна постапка од Основниот кривичен суд Скопје постапувајќи по предлог на Обвинителството, им определи мерка притвор и куќен притвор на двете осомничени финансиски раководителки во АД „Државна лотарија“ за “проневера во служба”.

Одземен пасошот и забрана за работа за Вишиот јавен обвинител од Битола, се сомничи за криминал и мито

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење на организиран криминал и корупција за определување мерки за претпазливост против П.В. – Виш јавен обвинител од Битола, по сослушување на осомничениот во присуство на неговиот бранител, како и по ценење на фактите и доказите содржани во предлогот, донесе решение со кое го прифати предлогот на ОЈО ГОКК.
Сите вести од Хроника

Најнови вести

To top