Македонската спортска јавност остана без еден од своите препознатливи гласови. Почина новинарот и долгогодишен спортски коментатор Сами Адеми, кој со години ги следеше и коментираше натпреварите на македонската фудбалска репрезентација.
Веста за неговата смрт ја објави Фудбалската репрезентација на Македонија, посочувајќи дека зад себе оставил значаен придонес во спортското новинарство.
Во објавата се наведува дека Адеми бил новинар и коментатор кој со својата работа оставил белег во следењето на спортските настани, како и дека бил дел од бројни спортски приказни на домашната сцена.