Околу 04:05 часот рано утринава, во Секторот за внатрешни работи Скопје е пријавено дека три лица насилно влегле во продажен објект на улица „Тале Христов“ во Скопје, при што предизвикале пожар и потоа избегале од местото.
Полициските службеници кои први пристигнале на местото го изгаснале пожарот со противпожарен апарат. При гаснењето на пожарот, двајца полициски службеници вдишале чад и биле пренесени во Клиниката за токсикологија при Клиничкиот центар „Мајка Тереза“ за медицинска помош.
Од Министерството за внатрешни работи соопштија дека е извршен увид на местото на настанот и дека се преземаат интензивни мерки за расчистување на случајот и пронаоѓање на сторителите.