Македонија

10 кандидати ќе учат за пилоти, агенцијата за цивилно воздухопловство најави повик и за напредни обуки

Десет поединци ќе добијат сертификати од областа на воздухопловните активности преку обука делумно финансирана од владата преку Агенцијата за цивилно воздухопловство (АЦВ). Заверенията на десеттемина идни пилоти денеска им ги предадоа заменик премиерот и министер за транспорт, Александар Николоски, како и директорот на АЦВ, Драги Стојаноски. АЦВ на 1 јули објави јавен конкурс за кофинансирање […]

Десет поединци ќе добијат сертификати од областа на воздухопловните активности преку обука делумно финансирана од владата преку Агенцијата за цивилно воздухопловство (АЦВ).

Заверенията на десеттемина идни пилоти денеска им ги предадоа заменик премиерот и министер за транспорт, Александар Николоски, како и директорот на АЦВ, Драги Стојаноски.

АЦВ на 1 јули објави јавен конкурс за кофинансирање до 50 проценти од обуките за 27 лица, по што следеше тестирање на пријавените.

Уверенија за кандидат за приватен пилот на авион PPL-A SEP land добија седум лица, за пилот на ултралесни летала (ULPL) две лица, а за пилот на едрилица по програма со аерозапрега (SPL) едно лице.

Министерот Николоски и директорот Стојаноски рекоа дека обуките имаат за цел да ја подобрат ситуацијата со сериозен дефицит на воздухопловен персонал.

Станува збор за основни курсеви, а АЦВ најавува конкурс и за понатамошна обука со што, како што изјави Николоски, би се создал воздухопловен кадар кој ќе се вклучи и во државните ресурси и во приватниот сектор.

“Продолжуваме со поддршката, процесот е отворен и транспарентен, се надевам дека на идниот повик ќе има уште поголем интерес,” изјави Николоски.

Еден дел од курсевите се основа за понатамошен професионален развој и градење на професионална кариера на пилот, а други се од областа на воздухопловно-спортските активности, како поттик за досегашните високи резултати постигнати од индивидуалци, тимови и репрезентацијата на европски и светски натпревари.

Целта на проектот, како што посочуваат, е да ги стимулира и обнови активностите во аероклубовите и спортските аеродроми кои, поради финансиски тешкотии и нерешени имотно-правни прашања, полека згаснуваат без помош од државата, а во минатото биле темел за создавање на кадри кои подоцна ги користеле и Министерството за одбрана, воздухопловните единици на МВР, СОЗР, ДЗС – пилоти на АТ 802А Fire Boss, како и Агенцијата за цивилно воздухопловство.

Најнови вести од: Македонија

Маск: Европа ќе изумре целосно, ако стапката на раѓање бебиња не го достигне нивото потребно за репродукција на населението

Најбогатиот човек во светот уште во декември 2024 година ѝ претскажа на Европа дека „се наоѓа во голем проблем“, оти е пред „целосно исчезнување“…

Време е за прочистување на безбедносните служби, порача Ковачки

Пратеникот од ВМРО-ДПМНЕ, Драган Ковачки, член на собраниската комисија за надзор на Агенцијата за национална безбедност (АНБ) и Агенцијата за разузнавање (АР), остро реагираше на откритијата за сериозни злоупотреби во АНБ за време на претходното раководство.

To top