Мисијата на ОБСЕ во Македонија вчера направи гаф или смислена провокација кон православното население во Македонија откако пропушти на денот на прославата да го честита најголемиот православен верски празник Велигден.
Вчера на социјалните мрежи граѓани забележаа дека предходно ОБСЕ Скопје честиташе Бајрам и католички Велигден но на денот на празникот јавноста беше сведок на молк за православното ,,Христос воскресе”.
Интересно е што за Рамазан Бајрам на 20 Март ОБСЕ Скопје честитало на истиот ден.
Сега дури откако јавноста реагираше на вториот ден од Велигден ОБСЕ објавува честитка за најголемиот православен празник.
,,Мисијата на ОБСЕ во Македонија им посакува на сите што го слават православниот Велигден мир, здравје и радост. 🐣
Нека овој празник ги зближи луѓето во духот на разбирањето, почитта и љубезноста.
Среќен православен Велигден на сите што слават”, објави ОБСЕ денеска дури на пладне.
За разлика од честитката за Рамазан Бајрам во која ОБСЕ вели дека самата организација слави, во честитките за католичкиот и православниот Велигден само се честита на сите што го слават празникот.
