Македонија

31 пожар утринава – четири сè уште активни

ЦУК објави најнови податоци до 7:30 часот

До 7:30 часот утринава Центарот за управување со кризи (ЦУК) регистрирал вкупно 31 пожар на отворен простор. Од нив четири се активни, три се ставени под контрола, а 24 се целосно изгаснати.

Активни остануваат пожарите во општините Студеничани и Зелениково – во подрачјето на селата Моране, Вртекица, Рамни Габер и кракот кон Палиград, како и над Вражале и Тисовица, каде што гори мешана шума. Во општините Гостивар и Македонски Брод активен е пожарот кај село Трново, кој се шири кон Битово, Заград и Страјане, зафаќајќи нискостеблеста шума, ниска вегетација, пасишта и папрат. Во општина Чашка, над село Нежилово (м.в. Сватови), горат ниска вегетација и смреки. Во општина Струга, кај село Франгово, гори нискостеблеста шума и ниска вегетација.

Под контрола се пожарите во општина Кичево – кај село Тајмиште (м.в. Дарда), каде што е зафатена високостеблеста букова шума; во општина Делчево – на депонијата; и во општина Брвеница – кај село Стрмница.

Изгаснати се пожарите на повеќе локации низ земјата, меѓу кои во општина Желино (села Желино и Стримница), Теарце (села Одри и Непроштен), Македонски Брод (помеѓу резерватот „Јасен“ и село Брезница), Кичево (село Зајас), Делчево (села Ветрен и Бигла), Градско (село Виничани), Гостивар (село Форино), Росоман (села Манастирец и Росоман), Босилово (помеѓу Моноспитово и Муртино, како и помеѓу Моноспитово и Дабил), Арачиново, Карпош, Гази Баба (парк-шума), Струмица (село Куклиш), Кавадарци (градска депонија „Мелци“), Берово (кај Беровско Езеро), Куманово (помеѓу Лопате и Љубодраг), Шуто Оризари и Битола (село Дихово).

Центарот за управување со кризи продолжува со следење на состојбата и координација на интервенциите.

Најнови вести од: Македонија

Не се укинува вториот пензиски столб – законската одредба за 6%, се префрла во друг закон, рече министерот Велковски

Дали со предлогот за  бришење на членот 120, односно на одредбата за уплата на 6% во вториот пензиски столб власта ги доведува во ризик пензиските заштеди на повеќе од 650.000 граѓани кои се негови членови?!

Во Битола се одржа литија низ Широк Сокак со чудотворната икона на Пресвета Богородица Утешителка Паљурска

По Светата Литургија, чудотворната икона на Пресвета Богородица Утешителка Паљурска беше изнесена во свечена литија низ Широк Сокак, во која се вклучија свештениците, монашките заедници и бројните ходочесници. Со литијата заврши централниот дел од ходочестието во Битола.

To top