Македонија

Ахмети повикува на протест во Скопје за осудените водачи на ОВК: „Правда за ослободителите“

Лидерот на ДУИ, Али Ахмети, најави голем протест во Скопје на 13 декември 2025 година под мотото „вистина и правда за водачите на ОВК“, кои во моментов се судат пред Специјалниот суд во Хаг за наводни воени злосторства.

Лидерот на ДУИ, Али Ахмети, најави голем протест во Скопје на 13 декември 2025 година под мотото „вистина и правда за водачите на ОВК“, кои во моментов се судат пред Специјалниот суд во Хаг за наводни воени злосторства. По митинзите во Приштина и Тирана, Ахмети повикува албанскиот народ и во Македонија да излезе на улица и да го одбрани „праведниот карактер на борбата на Ослободителната војска на Косово“.

„Плоштадот Скендербег во Скопје ќе биде моќниот глас на граѓаните кои бараат правда за нашите ослободители“, напиша Ахмети на англиски јазик на својот профил на Фејсбук.

„Војната на Ослободителната војска на Косово беше и останува праведна, ослободителна и поддржана од демократскиот свет. Правдата за борците за слобода не може да се гради врз политички обвинувања, измислици и измислени докази од страна на Србија и Русија. Како што стоевме рамо до рамо со борците на ОВК во Приштина и Тирана, така ќе стоиме и во Скопје, горди, решителни и непоколебливи во одбрана на нашата вистина, објективната вистина“, се наведува во објавата.

Премиерот Христијан Мицкоски остро го критикуваше овој потег и директно го повика Ахмети да се откаже од протестот. Според него, настанот нема да има широка поддршка и ќе го изолира лидерот на ДУИ на политичката сцена, особено во пресрет на партискиот конгрес. Мицкоски оцени дека протестот е дел од внатрешните пресметки во ДУИ и предупреди дека може да предизвика нови тензии.

„Според информациите со кои располагаме, на протестот би можеле да се приклучат организирани групи од Косово и Албанија, како и неколку помали радикални структури од нашата земја. Не очекувам поддршка ниту од коалицијата ‘Вреди’, ниту позитивен сигнал од меѓународната заедница“, изјави Мицкоски.

Од друга страна, претставници на здруженијата на поранешни борци на ОВК/УЧК од Косово веќе го потврдија своето доаѓање. Протестот е закажан за сабота, 13 декември, со почеток во 13 часот и со најавен марш до плоштадот „Скендербег“.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top