Македонија

Активација на „Сејф сити“ и надзор со дронови – Јанев дециден: Секој обид за нарушување на изборниот процес ќе биде казнет

СВР Скопје

2 минути за читање

Директорот на Бирото за јавна безбедност Александар Јанев оствари работен состанок со раководството на СВР Скопје.

Директорот на Бирото за јавна безбедност при Министерството за внатрешни работи, Александар Јанев, денеска оствари работен состанок со менаџментот на СВР Скопје, на кој детално беше разгледана безбедносната состојба на подрачјето на сите општини што се во надлежност на секторот.

Во рамки на состанокот беа анализирани сите мапирани потенцијално ризични локации поврзани со спроведувањето на оперативната акција „Локални избори 2025“, како и бројот на ангажирани полициски службеници, тактичките планови и конкретните мерки што се преземаат за целосна безбедност и сигурност на граѓаните.

Јанев истакна дека Скопскиот регион претставува еден од најголемите безбедносни предизвици, поради што значителен дел од полициските ресурси се насочени токму таму. Активностите ќе се спроведуваат со зголемено полициско присуство, преку статични пунктови, мобилни патроли и директна контрола во близина на избирачките места и на сите критични локации.

Дополнително, во функција ќе бидат ставени современи технолошки системи, вклучувајќи го системот „Safe City“ и воздушен надзор со дронови, со цел навремена детекција на можни закани и целосна заштита на јавниот ред и мир.

Беше испратена јасна порака дека секој обид за насилство, нарушување на изборниот процес или било какво криминално дејствување ќе биде спречен и санкциониран со брза и одлучна полициска реакција, без разлика на статус, функција или припадност на сторителот.

Министерството за внатрешни работи и Бирото за јавна безбедност остануваат посветени на обезбедување на мирни, безбедни и демократски избори, во целосна служба на граѓаните, законот и државата.

 

Поврзани теми:

Јанев|Топаловски|сејфт сити|топ|БЈБ|казни|безбедност|сообраќајни прекршоци|СВР Скопје

Повеќе на оваа тема:

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top