Градоначалникот на Гази Баба и кандидат за уште еден мандат Бобан Стефковски ја активираше онлајн платформата за доставување на идеи – Твоја идеја, наша заедничка иднина каде сите жители ќе може да ги споделат своите предлози, проблеми и визии.
– Сподели ја својата идеја за Гази Баба која повеќе не запира! Граѓаните секогаш биле нашата најголема инспирација. Во изминатите четири години, заедно покажавме што значи локална власт што слуша, разбира и работи. Затоа, во рамки на подготовката на програмата за вториот мандат, го отвораме и дигиталниот простор за вашиот глас.
Ја активираме онлајн платформата за доставување на идеи, каде секој граѓанин може:
да предложи проект,
-да укаже на проблем,
– да сподели визија за својата населба.
Сѐ што е важно за вас – е важно и за нас, сподели Стефковски.
Како што вели, ова не е обична анкета, ова е покана да се учествува во креирањето на иднината.
Ваша идеја за нов парк, улица, училиште или она што Вас ви е потребно – може да стане дел од нашата програма. Преку вашиот придонес, ќе изградиме уште појасна и посилна визија за Гази Баба – со реални, корисни и остварливи решенија. Вклучи се тука https://docs.google.com/…/1FAIpQLSdRuXZymH…/viewform…. Потребна е 1 минута. Вашето учество е непроценливо, апелира градоначалникот Стефковски.