На 21 октомври, претседателката на Република Македонија, Гордана Сиљановска-Давкова, оствари телефонски разговор со претседателот на Република Азербејџан, Илхам Алијев, објави Кабинетот на азербејџанскиот претседател.
За време на телефонскиот разговор, шефовите на држави разменија мислења за глобалната енергетска состојба, предизвиците со кои се соочува секторот, како и за можните начини за нивно надминување, се вели во објавата на претседателот на Азербејџан.
Во соопштението се вели дека тие со задоволство се потсетиле на официјалната посета на претседателката на Македонија на Азербејџан, истакнувајќи дека таа придонела за зајакнување на пријателството и меѓусебното разбирање меѓу двете земји.
,,Претседателите се договорија да продолжат и да ја прошират енергетската соработка меѓу Азербејџан и Северна Македонија”, стои во објавата на кабинетот на претседателот на Азербејџан.