Македонија

Алиу: Хипербарната комора ќе го подобри лекувањето на хронични рани

Министерот за здравство Азир Алиу заедно со премиерот Христијан Мицкоски, ја посетија Градската општа болница „8 Септември“ во Скопје, каде извршија увид во новоинсталираната хипербарна комора

Министерот за здравство Азир Алиу заедно со премиерот Христијан Мицкоски, ја посетија Градската општа болница „8 Септември“ во Скопје, каде извршија увид во новоинсталираната хипербарна комора. Оваа современа медицинска опрема е набавена со поддршка од компанијата „Зегин“ во рамките на заеднички проект со болницата, демонстрирајќи пример за успешно партнерство меѓу јавниот и приватниот сектор.

Министерот Алиу истакна дека хипербарната кислородна терапија е од голема важност за пациентите со хронични рани, тешко заздравувачки рани, како дијабетично стапало, изгореници и состојби со нарушена микроциркулација, а се применува во повеќе медицински специјалности. „Упатувам искрена благодарност до компанијата ‘Зегин’ за нивната општествена одговорност, како и до менаџментот и медицинскиот персонал на болницата за нивната професионална подготовка и успешното интегрирање на комората во болничкиот систем“, изјави Алиу за време на посетата.

Хипербарната комора е поставена во одделот за физикална терапија и рехабилитација, но ќе биде достапна и за одделите за пластична хирургија, дерматологија и други болнички одделенија, согласно медицинските потреби и индикации. Алиу нагласи дека ваквите партнерства се клучни за унапредување на јавната здравствена инфраструктура преку воведување модерна опрема, што директно го подобрува квалитетот на здравствените услуги. „Ова е пример како со соработка можеме да го подигнеме нивото на здравствената заштита. Новата опрема придонесува за подобри исходи од лекувањето, намалување на компликациите, времето на хоспитализација и трошоците, а на пациентите им овозможува побрзо и поквалитетно закрепнување“, додаде тој.

Посетата на болницата и промоцијата на хипербарната комора ја истакнаа посветеноста на Владата и Министерството за здравство кон модернизација на здравствениот систем и подобрување на условите за лекување на граѓаните, со акцент на соработката со приватниот сектор за постигнување на овие цели.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top