Македонија

Алиу: Предлог-законот за заштита од пушење не е рестриктивен, европски е, а над 45 отсто од возрасните пушат!

Предлог-законот за заштита од пушење, кој се очекува да стапи во сила на 1 март, не е рестриктивен, тој е европски. Станува збор за воспоставување на европски стандарди за заштита на здравјето, изјави за МИА министерот за здравство Азир Алиу. Преку податоците кои ги добивме од Светската здравствена организација над 45 проценти од возрасната популација пуши, што ја става нашата земја меѓу земјите со највисока стапка во Европа според начинот на користење на цигари или некаков вид тутунски производи, рече Алиу.

Во моментот, посочи министерот Алиу, Министерството за здравство уредува сеопфатна заштита на населението од штетните ефекти од употреба на тутунот и другите никотински производи, како и изложеноста на тутунски чад во животна средина. – Тоа ни е битен момент за да може да се уреди. Исто така, Предлог-законот е усогласен со меѓународните стандарди и целта на законот е унапредување на јавното здравје. Усогласен е со глобалните јавно здравствени политики што ги имаме потпишано како држава и во рамките на таа конвенција за контрола на тутунот која е потпишана Законот не е рестриктивен и истиот е европски. Европските стандарди за заштита на здравјето се воспоставени во овој закон. 

На прашање дали вакви слични закони се применуваат во земјите од регионот, рече дека дефинитивно се применуваат и во Европа и во некои земји од регионот. 
Според Алиу, целта е населението да се одвикне од пушењето и правилата се јасно дефинирани во сите европски земји.

– Значи истите правила се анализирани и се стандарди во нашиот предлог – закон. Законот не треба да се гледа како рестриктивен, туку како европски закон. Според направените анализи, младите користат некаков тип тутунски производи. Според глобално истражување за употребата на тутун кај младите (Global Youth Tobacco Survey-GYTS) во 2024 година, 13,6 проценти од учениците на возраст од 13 до 15 години моментално користат некаков тип тутунски производ. Ова е највисок процент евидентирани млади во државава, рече Алиу.

Тој смета дека со донесувањето на законот за заштита од пушење ќе се придонесе за намалување на бројот на пушачи во државава и за намалување на трошоците за лекување на заболувања предизвикани од пушењето. – Затоа паралелно со овој закон правиме цела програма за едукација и информации за штетноста и заболувањата кои се поврзуваат со пушењето. И цела 2026 година ќе биде поврзана со имплементација на законот и едукација и информации, особено за младите во нашата држава, додаде Алиу.

Најнови вести од: Македонија

Костовски: Нема да отстапам од борбата против криминалот и урбанистичката мафија! Бутел нема да биде партнер со криминалци!

Борбата со бандити не е меѓуетничка борба. Криминалот не познава нации, порача градоначалникот на Бутел, Дарко Костовски. Тој порача дека нема да отстапи од борбата против криминалот и урбаната мафија, обвинувајќи одредени политички партии дека се под влијание на криминални структури кои се обидуваат неговите активности да ги претстават како меѓуетничка пресметка. Костовски тврди дека […]

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

„КАЖИ НЕ!“ – кампања на МВР против сексуалната злоупотреба на деца во дигиталниот простор (ВИДЕО)

Целта на кампањата е да се подигне свеста кај децата, младите, родителите и пошироката јавност за препознавање и спречување на сексуалната злоупотреба во дигиталниот простор

Јовановски: На негирањата на македонската историја ќе одговориме со научна храброст и смиреност

„Од национални приказни до испреплетени истории“ е насловот на дводневната меѓународна конференција што ја организира Институтот за историја при Филозофскиот факултет на УКИМ по повод 80 години од неговото основање. Програмата опфаќа неколку пленарни и тематски сесии посветени на историските процеси, националните наративи, културните и дипломатските односи, како и на современите пристапи во историските истражувања. Учесниците ќе се претстават со реферати за историјата на Македонија од средновековниот период до современата државност, за односите на Балканот, османлискиот период, светските војни и меѓународните историски влијанија.

Најнови вести

To top