Професорката и деканка на Факултетот за музичка уметност (ФМУ), Дарија Андовска, во објава на Фејсбук се произнесе за односот на луѓе коишто се родиле, живеат и заработуваат во Македонија кон симболите на државата што ги храни.
„Имаме еден Јака Малус, ракометар, дојденец од Словенија, кој за кратко време течно зборува македонски. Зошто? Зашто ја почитува државата во која работи и заработува леб, како што тој сам си кажа.
А имаме и еден куп луѓе, кои тука се родиле, се школувале, тука работат и живеат, тука заработуваат и не ги почитуваат јазикот, знамето и химната на државата која ги храни.
Како се учи нормален и цивилизиран однос кон сопствената држава?“, прашува Андовска на Фејсбук.