Македонија

Апелација ги зголеми казните за 13-те велешани, осудени за силување девојче на возраст под 14 години!

Апелацискиот суд донесе одлука за зголемување на затворските казни на сите 13 осудени лица од Велес за сексуално злоставување на девојче под 14 години. Првичната пресуда беше донесена од Кривичниот суд во ноември 2024 година. Случајот предизвика силни реакции во јавноста поради првично ниските казни и одлуката на судот да дозволи гаранција за првообвинетиот на почетокот на процесот. 

1 минута за читање

На првообвинетиот Стефан Димовски казната затвор од 5 и пол години му се зголемува на 8 и пол години. Второобвинетиот Дејан Спасиќ кој првично беше осуден на четири години затвор сега доби казна од шест и пол години. Повисоки казни има и кај трето и четврто обвинетите од четири на осум и пол години односно на седум и пол години затвор. Кај останатите осудени казните се движат од 1 до 6 години.

Првообвинетиот Стефан Димовски е во бегство и веќе една недела не е достапен за полицијата. Димовски беше во куќен притвор со претходно понудена гаранција во имот од 70.000 евра (одобрена од Апелација во декември 2023 година). Поради неговата недопстапност, Кривичниот суд му ја замени мерката куќен притвор со ефективен притвор.

На четвртообвинетиот исто така му е одреден ефективен притвор откако бил затечен надвор од својот дом, со што ја прекршил мерката куќен притвор.



Поврзани теми:

актуелно|судење на силувачи од Велес

Најнови вести од: Македонија

Муцунски: Бујар нека не држи лекции што е прифатено, а што не, знае добро што преговараше и прифаќаше!

„Бујар Османи последен има право да држи лекции за тоа што е прифатено, а што не. Тој многу добро знае што преговараше, што прифаќаше и во каква позиција ја остави државата. Затоа, денес нека не троши енергија за да ги извртува фактите и да толкува туѓи изјави.“ – реагира министерот за надворешни работи Тимчо Муцунски на својот фејсбук-профил кон последните тврдења на Бујар Османи, потпретседател на ДУИ и поранешен министер за надворешни работи, инаку потписник на спорниот Втор протокол.

Домашното производство покри речиси 97 отсто од потрошувачката на струја во мај

Домашното производство на електрична енергија речиси целосно ги задоволи потребите на граѓаните и стопанството во текот на месец мај годинава, покажуваат најновите претходни податоци за енергетиката на Државниот завод за статистика (ДЗС).

Николоски: Во следните месеци ќе се пуштат 10 километри од автопатот Охрид-Кичево, најсложените за сообраќај (Видео)

Изградбата на автопатот Охрид – Кичево се реализира со забрзана динамика. Интензивно се градат галериите, во следните месеци ќе се пуштат најкомплицираните 10 километри за сообраќај, соопшти на својот фејсбук-профил вицепремиерот и министер за транспорт Александар Николоски, кој и овој викенд врши увид во градежните активности.

Со реформите во јавната администрација директорите ќе мора да бидат способни, стручни и образовани

Академијата за јавна администрација е носителот на обуките, а преку модернизацијата на Центарот за обука, повеќе од 1.000 административни службеници веќе поминаа обуки и добија пристап до современ електронски систем за учење.

ВМРО ДПМНЕ: СДС, ДУИ и Таравари го штитат Лимани, кој не се чувствувал виновен за загрозеното здравје на илјади граѓани

„Опозицијата е морално капитулирана и без никаков компас. Она што се случи во Гостивар, токму поради неажурноста и незаинтересираноста на локалната власт, предводена од Валбон Лимани, покажа колку коалицијата СДС, ДУИ и Таравари не се грижи за граѓаните.“ – реагира ВМРО ДПМНЕ.

„Плус инфо“: Бура во чаша вода по изјавата на Муцунски за протоколите со Бугарија

Изјавата на министерот за надворешни работи Тимчо Муцунски дека протоколите не се правен дел од Преговарачката рамка предизвика бурни реакции во повеќе македонски и бугарски медиуми. Шефот на македонската дипломатија за Плусинфо потврди дека нема промени во македонската принципиелна позиција во однос на пристапниот процес кон ЕУ. Ова го објави „Плус инфо“.
Сите вести од Македонија

Најнови вести

To top