„Алијансата за Албанците доживува длабока внатрешна криза. Уште една важна личност ја напушта партијата, нанесувајќи му нов удар на раководството на Арбен Таравари. Арѓенд Гура, член на Централното претседателство на партијата, ја објави својата оставка од функцијата што ја извршуваше.“ – објави информативниот портал на албански јазик „Фол“ во својата информација со наслов „Удар по удар за Таравари – заминува уште едно важно име, член на Централното претседателство!“.
Натаму порталот наведува: „По доволно време за лично размислување и без моментни чувства, решив да ја напуштам позицијата член на претседателството на Алијансата за Албанците. Јавно им се заблагодарувам на сите поддржувачи, функционери и на претседателот на партијата за досегашната почит и поддршка.“ – порача Гура.
Заминувањето на Гура доаѓа во време кога незадоволството и оставките се зголемија во рамките на Алијансата за Албанците, додека Таравари се соочува со силни критики за раководството на партијата и неодамнешните политички договори. – објави „Фол“.