Македонија

„Балиститe“ на ФК Шкендија „навиваа достоинствено“ и „пееја мотивациски песни“?! Дали извикуваа „Илирида“ и „Велика Албанија“, за да „мотивираат“?!

Кој и за што треба да биде „мотивиран“? Дали целта на тешката националистичка провокација , означена како „мотивација“, е Албанците да се покренат за создавање „Илирида“ и „Велика Албанија“?!

„Во огнена атмосфера исполнета со највисоки чувства навивачите на Шкендија – Балистите – уште еднаш покажаа дека се многу повеќе од само група навивачи. Тие станаа олицетворение на јасната порака, што ја испрати претходно филантропот и поддржувач на клубот Лазим Дестани, кој повика на достоинствено навивање,  да биде воздржано и без навредлив јазик. Неговиот повик беше јасно слушнат и одговорно испочитуван од Балистите, кои во текот на целиот натпревар обезбедија извонредна атмосфера, пеејќи мотивациски песни и поддржувајќи го тимот без ниту еден момент со навреда.“објавија денес повеќе медиуми на албански јазик во Македонија во информација со наслов „Балистите даваат пример: Вечер исполнета со страст, достоинство и спортски дух на трибините на Шкендија“.

„Ние сме 12-ти играч, но и одраз на вредностите, што сакаме да ги претставуваме како клуб и како заедница.“ – велат членовите на навивачката група Балисти, кои со овој став ја освоија не само почитта на спортската јавност, туку и на противниците. Оваа вечер беше јасен доказ дека страста кон фудбалот и почитта кон вредностите можат да одат заедно. Клубот Шкендија, во исто време симбол на гордост за Албанците, беше достојно претставен и од трибините – каде што „Балистите“ покажаа дека се сила, што вдахновува.  Победа не само на теренот, туку и во спортската култура!“ – стои во оваа информација, која несомнено е испратена во јавноста, со цел да се изнесе официјален став на Фудбалскиот клуб „Шкендија“ и на навивачката група „Балисти“. Но, во него нема ниту еден збор осуда и дистанцирање од тешкиот националистички инциденти, кога на натпреварот беа чуени и извици „Илирида“ и „Голема Албанија“.

Што значи изразот „Балистите пееја мотивациски песни“, содржан во наведената  информација, пренесена од албанските медиуми?! Кој и на што треба да биде „мотивиран“? Дали целта на тешката националистичка „мотивација“ била Албанците да се поттикнат на „Илирида“ и велика Албанија?!

Ја повторуваме во контекстот на пренесената инфирмација и реакцијата наХелсиншкиот комитет за човекови права, кој го осуди националистичкото скандирање за време на вчерашниот фудбалски натпревар Шкендија-Карабах (0:1) во националната арена „Тодор Проески“ во Скопје во рамките на квалификациите за Лигата на шампионите.

„И покрај апелите од јавноста и институциите за фер и спортско навивање, од трибините се слушаа повици ‘Голема Албанија‘, ‘Чамерија‘ и ‘Илирида‘, пораки кои придонесуваат за поттикнување меѓуетнички поделби, ја нарушуваат меѓуетничката кохезија и имаат потенцијал да предизвикаат злосторства од омраза. Загрижувачки е фактот што ваквите извици не доаѓале само од навивачката група ‘Балисти‘, туку и од дел од публиката, во присуство на високи државни функционери“, велат од Хелсиншки комитет.

На натпреварот присуствувале претседателот на Собранието Африм Гаши, вицепремиерот Изет Меџити, министерот за економија Валон Дурмиши и партиските лидери Али Ахмети и Арбен Таравари.

Најнови вести од: Македонија

Панихида по повод 101 година од смртта на Тодор Александров

Тодор Александров, е еден од главните столбови на современата македонска држава, а негова животна водилка била идејата за автономна и суверена Македонија-порача Александар Пандов, претседател на Патриотскиот институт -ВМРО-ДПМНЕ, на одбележувањето 101 години од смртта на Александров. Во црквата Успение на Пресвета Богородица во родното место на големиот војвода, штипско Ново Село, се одржа панахида […]

Маск: Европа ќе изумре целосно, ако стапката на раѓање бебиња не го достигне нивото потребно за репродукција на населението

Најбогатиот човек во светот уште во декември 2024 година ѝ претскажа на Европа дека „се наоѓа во голем проблем“, оти е пред „целосно исчезнување“…

To top