Капитенот на фудбалската репрезентација на Македонија, Енис Барди, со емотивно обраќање до нејзините фанови побара трпение и порача дека црната серија од 11 натпревари без победа, со само два дадени гола и ниту еден во последните осум меча не е крајот на приказната.
„Дадовме сè од себе, се боревме до крај, но некогаш ни максимумот не е доволен.
Многу тешки денови поминавме, за секого беше тешко. Одиме заедно да се вратиме подобри. Самокритика и машки да се вратиме.
Разочарувањето боли.. Но, ако нешто научивме низ годините, тоа е дека Македонија секогаш наоѓа сила да се врати.
ЌЕ СЕ ВРАТИМЕ. МОРАМЕ ДА СЕ ВРАТИМЕ!
Главата горе. Ова не е крајот на нашата приказна ❤️“, напиша Барди на Инстаграм.