Македонија

Берсе: Бугарија е должна да ги спроведе пресудите на ЕСЧП

Да се биде членка на Советот на Европа не значи само да се биде дел од клубот, туку и да се прифати обврската за спроведување на сите пресуди на Европскиот суд за човекови права

2 минути за читање

Генералниот секретар на Совет на Европа, Ален Берсе, изјави дека сите земји-членки на организацијата, вклучително и Бугарија и Македонија, имаат обврска да ги спроведуваат пресудите на Европски суд за човекови права.

Во интервју за МИА, Берсе се осврна на пресудите поврзани со македонското малцинство во Бугарија и нагласи дека суштината на тие одлуки е да се овозможи регистрација на организациите.

– Да се биде членка на Советот на Европа не значи само да се биде дел од клубот, туку и да се прифати обврската за спроведување на сите пресуди на Европскиот суд за човекови права – изјави Берсе.

Тој потсети дека во последните две децении судот донел 14 пресуди во кои е утврдено прекршување на членот 11 од Европската конвенција за човекови права, кој се однесува на слободата на здружување.

Берсе истакна дека прашањето редовно се разгледува од страна на Комитетот на министри на Советот на Европа, кој го следи спроведувањето на судските пресуди во земјите-членки.

– Одлуките на судот се јасни и тие мора да бидат спроведени. Не можеме да прифатиме ситуација во која тие нема да се реализираат – нагласи генералниот секретар на Советот на Европа.

Тој додаде дека во последните месеци има одреден напредок во разговорите со Бугарија и изрази надеж дека ќе има позитивен исход.

Според Берсе, процесот на спроведување е сложен и бара време, но клучно е да се обезбеди трајно и квалитетно решение.

За време на неговата прва официјална посета на земјава, Берсе најави и нови активности поврзани со претстојното претседавање на Македонија со Комитетот на министрите на Советот на Европа во ноември следната година.

Поврзани теми:

актуелно|Бугарија|ЕСЧП|Ален Берсе

Повеќе на оваа тема:

Најнови вести од: Македонија

Анализи во Бугарија дека „патот на Македонија е под знак прашалник“, ако нема „напредок во работата на историската комисија“ и „исполнување на обврските“!

Историските спорови остануваат најсилната алатка на Бугарија за притисок врз Македонија. Бугарските анализи „предупредуваат дека без напредок во работата на Заедничката историска комисија и исполнување на договорените обврски, европската перспектива на Македонија ќе остане под силен политички притисок“.

Донесени законите за судската и јавнообвинителската служба – значаен исчекор кон зајакнување на нивната самостојност, професионалност и ефикасност

Министерството за правда информира дека Собранието денеска ги донесе Законот за судска служба, еден од најзначајните реформски законски решенија во областа на правосудството усогласен со Реформската агенда и Развојната секторска стратегија за правосудство 2024–2028, како и Законот за јавнообвинителска служба со што се прави значаен исчекор кон зајакнување на самостојноста, професионалноста и ефикасноста на јавното обвинителство. Со донесувањето на Законот за судска служба се надминуваат долгогодишните системски слабости на постојното законско решение и се создаваат услови за поефикасно функционирање на судовите, преку јасно препознавање на специфичната улога на судските службеници во судската власт.

Од 1 јули целосна забрана за движење во шумите низ Македонија

Министерството за земјоделство, шумарство и водостопанство ја известува јавноста дека согласно насоките од Владата како и барањата од корисниците на шумите – ЈП „Национални шуми“ и Националните паркови кои управуваат со заштитените подрачја, даде согласност за воведување на целосна забрана за движење во шумите и шумското земјиште.

Сторители на тешки кривични дела ги изиграле системот и судовите и со коруптивни лажни вештачења за нарушено здравје сместени во психијатриски установи!

Националниот превентивен механизам (НПМ) при Народниот правобранител, при контролата на психијатриската болница „Демир Хисар“ во декември 2025, затекнал 20-ина осуденици сторители на кривични дела кои не се со психичка болест, туку се здрави и пресметливи, но го изиграле системот и судовите преку коруптивни вештачења за нивно наводно нарушено здравје.

Македонија доби пристап до 4,4 милијарди евра од здравствените фондови на ЕУ – можност за приближување до европските стандарди и политики.

Македонија доби пристап до фондовите за здравство од 4,4 милијарди евра на Европската Унија (ЕУ). Министерот за здравство, Азир Алиу денеска кажа дека потпишувањето на Договорот за учество на Македонија во програмата „ЕУ фор хелт“ (EU4Health) е значаен чекор кон натамошно приближување на македонскиот здравствен систем до европските стандарди и политики. Програмата отвора можности за развој на проекти во областа на дигитално здравство, превенција и рана детекција на болести, скрининг-програмите, онкологија, кардиоваскуларно здравје, ментално здравје, подготвеност за здравствени кризи, пристапот до лекови и медицински производи, како и за јакнење на здравствениот кадар.

Мицкоски: Зад провокациите станува збор за организирана бугарска пропаганда во нашата држава

Премиерот Мицкоски посочи дека бугарските политичари не се откажуваат од Протоколите 1 и 2, каде се охрабрува работата на историската комисија до влезот на Македонија во Европската Унија. Тој потсети на говорот на сегашниот бугарски премиер од 2019 година во Санкт Петербург каде тој си ги присвојува Кирил и Методиј и кажува дека вечно ќе ја слават Санстефанска Бугарија.
Сите вести од Македонија

Најнови вести

To top