Поранешниот премиер и министер за одбрана Владо Бучковски смета дека влезот на Македонија во Европската Унија, треба да го врати на маса и предлогот кој егзистираше последните неколку години за голема коалиција која би имала единствено задача да го заврши успешно овој процес на преговори со Европската Унија и Македонија да стане членка на унијата.
Да потсетиме, во програмата „Зборувај сега“ на БНТ, поранешниот преговарач на македонската Влада Владо Бучковски коментираше дека сè уште верува дека клучот за напредок меѓу Бугарија и Македонија е договорот од 2017 година.
…изјаснувањето на претходниот бугарски парламент предизвикало проблеми во односите меѓу двете земји, од друга страна, Бугарија смета дека Македонија не го исполнува договорот. Но, Скопје смета дека декларацијата не може да има поголема вредност од договорот, бидејќи е ратификувана од парламентите на двете земји.
„За поздравување е овој чекор што го прави сега опозицијата. За мене, намерата на Венко Филипче е понуда за излезно решение и на ВМРО ДПМНЕ да се соочи со реалноста. Јас се плашам дека Република Северна Македонија, за жал, од лидер во регионот со која се гордееше меѓународната седница во 2005, кога ги собиравме сите пофалби и ние бевме реално лидер во целиот овој регион, да се доведеме во позиција да бидеме на дното без никакви шанси во евроинтегративниот процес“, вели Бучковск во интервју за Рацин
Тој ја смета резолуцијата за храбар чекор и верува дека ВМРО-ДПМНЕ ќе даде сериозен придонес во обликувањето на таа резолуција и покрај првичните изјави на премиерот Мицкоски.
Целото интервју со Владо Бучковски ќе биде објавено утре.