Бугарската фондација ,,Македонија” тврди дека во земјава секоја недела праќа бугарски книги во Македонија.
Меѓу книгите на бугарски јазик кои ги објавува донацијата а за кои тврди дека се префрлаат во земјава се наоѓа и книгата ,,Круна од трње”.
Оваа книга на бугарскиот публицист Стефан Груев го опишува владеењето на Царот Борис Трети кој бил сојузник на Хитлер, до неговата смрт во 1943 година.
Во книгата Македонија за време на Бугарската окупација се третира како дел од бугарската држава и историја а Македонците се прикажани како составен дел на бугарската нација.
,,Фондацијата „Македонија“ продолжува да испраќа бугарски книги и патриотски тетратки во Северна Македонија. Секоја недела”, објавува фондацијата.
Шефот на оваа фондација Александар Стојанов поради својата антимакедонска пропаганда преходно доби забрана за влез во Македонија.
Нејасно е дали и како книгите кои шират антимакедонски наратив според кој Македонците се Бугари, влегуваат во Македонија.