Македонија

Бујар Османи се посрамоти: Дешира Ахмети-Крлиу пееше заедно со Карерас, а Османи рече дека немало Албанец на сцената

Дешира Ахмети-Крлиу не беше само формално ставена на списокот на учесници. Таа настапи како една од оперските солистки, а на крајот од спектаклот се појави на сцената заедно со Карерас и со останатите македонски изведувачи во заедничката изведба на „Едно име имаме“. Снимките и извештаите од настанот го потврдуваат нејзиното учество.

Поранешниот министер за надворешни работи Бујар Османи објави на социјалните мрежи дека на големиот концерт организиран во рамките на одбележувањето на 35-годишнината од независноста на Македонија немало ниту еден Албанец меѓу изведувачите. „Моделот е јасен: исклучување на Албанците“, напиша Османи, поврзувајќи го концертот и со добитниците на државната награда „8 Септември“, пренесе Плусинфо, а на социјалните мрежи објави д-р. Ненад Лазаров.

Но, тврдењето на Османи за концертот е фактички неточно. Меѓу македонските уметници кои настапија со светски познатиот шпански тенор Хозе Карерас беше и сопранот Дешира Ахмети-Крлиу. Нејзиното име е наведено и во извештаите од концертот, заедно со Влатко Стефановски, Каролина Гочева, Калиопи, Ана и Игор Дурловски, Наум Петрески, Сузана Спасовска, Маја Оџаклиевска и Миле Кузмановски. Таа е солистка и соработува со Националната опера и балет.

Дешира Ахмети-Крлиу не беше само формално ставена на списокот на учесници. Таа настапи како една од оперските солистки, а на крајот од спектаклот се појави на сцената заедно со Карерас и со останатите македонски изведувачи во заедничката изведба на „Едно име имаме“. Снимките и извештаите од настанот го потврдуваат нејзиното учество.

Станува збор за афирмирана македонска оперска певица од албанска етничка припадност. Ахмети-Крлиу е сопран со долгогодишна оперска кариера, а во нејзината професионална биографија се наведуваат улоги во дела како Моцартовиот „Дон Џовани“, Леонкавалоовите „Паљачи“ и Офенбаховите „Хофманови приказни“. Таа се усовршувала и на мастер-клас кај светски познатата оперска дива Рајна Кабаиванска.

Уште поинтересно е што присуството на Ахмети-Крлиу не било нешто што можело лесно да се превиди само поради атмосферата на концертот. Нејзиното име било објавено уште во најавите за спектаклот како дел од македонскиот музички „дрим тим“, а потоа било наведено и во извештаите по настапот. Таа беше на сцената со останатите учесници и во завршницата со Карерас.

Оттука, Османи може политички да ја критикува програмата за одбележување на независноста или застапеноста на етничките заедници, но конкретното тврдење дека на концертот немало „ниту еден Албанец“ не соодветствува со фактите. Дешира Ахмети-Крлиу беше таму – како една од избраните македонски музички уметници кои настапија на иста сцена со Хозе Карерас.

Најнови вести од: Македонија

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

УКИМ не платил сметки за струја, ако не се плати долгот – факултетите ќе останат во мрак

Дел од државните факултети и Ректоратот од утринава се во мрак поради неплатени сметки за електрична енергија. Ова за Телма го потврдија и од ЕВН. Без струја останаа Машинскиот, Електротехничкиот, Природно – математичкиот, земјоделскиот факултет, но и зградата на Ректоратот.

Велковски: Во владина постапка се измените на Законот за детска заштита, од 2027 поголема поддршка за децата со посебни потреби

Измените на Законот за детска заштита веќе се во владина процедура, каде се предвидува зголемување на постоечките државни износи за поддршка, со посебен фокус на децата со посебни потреби, изјави министерот за труд и социјална политика и млади, Ѓоко Велковски одговарајќи на пратенички прашања во Собранието, нагласувајќи дека се очекува овие измени брзо да ја поминат собраниската процедура и од 1 јануари 2027 година децата од оваа категорија да добијат зголемени средства.

Николоски: Од 1 јануари 2027 државата ќе биде единствен организатор на интернет-игрите на среќа и ВЛТ терминалите

Владата останува на ставот за ограничување на игрите на среќа и веќе презеде конкретни законски мерки со кои се намалуваат можностите за нивно организирање, истакна заменик претседателот на Владата и министер за транспорт, Александар Николоски, одговарајќи на пратеничко прашање на Јована Мојсоска од Левица поврзано со работењето на Државна лотарија, односно дали Владата ќе иницира разрешување на директорот на Државна лотарија, Александар Климовски, како и дали ќе биде затворена платформата за онлајн коцкање „Мегавин“.

To top