Македонија

Четвртоодделенците од ООУ „Лазо Трповски“ наградени во Берлин

Општина Карпош

Во ООУ „Лазо Трповски“, денеска се одржа свеченост по повод големиот успех на учениците од четврто одделение, кои освоија престижна награда на Меѓународниот училишен натпревар за воздушен и вселенски сообраќај 2026 во Берлин. На свеченоста присуствуваше градоначалникот Сотир Лукровски, и директорот на Агенцијата за цивилно воздухопловство, Драги Стојаноски, кој на учениците им ги врачи пофалниците за нивниот успех и врвно постигнување. Наградени се учениците од 4-а одделение, кои под менторство на наставниците Ирена Грегориќ и Стефан Симовски, го изработија проектот „Нашето патување на Јупитер“.
Честитки до учениците:

1. Петрит Адеми 2. Павел Арсовски 3. Михаил Атанасовски 4. Давор Гавриловски 5. Матеј Голомејиќ 6. Милан Ѓорѓевиќ 7. Ирис Граоркоска 8. Дарија Димоски 9. Антонио Ѓорѓевиќ 10. Ѕен Иљовски 11. Лина Јаневска 12. Нора Муфтарова 13. Илина Наумоска 14. Николај Пигуловиќ 15. Јован Симовски 16. Мила Синадинова 17. Андреа Славковска 18. Лукас Трајковски 19. Ана Тренчовска 20. Магдалена Ќурчинска 21. Аце Ѓорѓиески 22. Филипе Георг Вучков

Градоначалникот Лукровски им го честиташе успехот на учениците и им посака уште поголеми достигнувања.

-Овој успех е потврда дека знаењето, креативноста и посветеноста на младите можат да донесат големи резултати. Нашите ученици покажаа дека кога имаат поддршка и можност да го развијат својот потенцијал, можат да постигнат значајни успеси и на меѓународно ниво. Искрено им честитам на учениците и на нивните наставници за овој значаен успех и им посакувам уште многу поголеми достигнувања– истакна Лукровски.

Инаку, натпреварот во Берлин е меѓународен проект посветен на воздушниот и вселенскиот сообраќај, организиран од Сојузното германско здружение за воздушна и вселенска индустрија, во соработка со релевантни германски институции и компании. За успехот на учениците од Карпош одлучуваше деветчлено стручно жири составено од универзитетски професори, наставници, како и други стручни лица. Општина Карпош продолжува да ги поддржува младите таленти и да вложува во квалитетно образование, како основа за нивниот иден развој и успех.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top