По силното невреме проследено со интензивни ветрови, во повеќе делови од Скопје се предизвикани материјални штети. Надлежните служби внимателно ја следат состојбата, а Центарот за управување со кризи е во постојана координација со сите релевантни теренски служби.
ЦУК апелира до граѓаните кои имаат претрпено материјални штети или забележале дополнителни ризици веднаш да се јават на бројот за итни повици 112.
Според информациите поради искрење на жиците за електрична енергија, гори кај селото Крушопек на планината Водно. Пожар е забележан и во близина на спорската сала „Борис Трајковски“, во скопското село Волково, а во Ѓорче Петров и Топанско Поле силниот ветер откорна покрив на зграда.
Скопјани информираат и за неколку паднати дрва кои го блокираат сообраќајот во градот.