По повод 120 години од погубувањето на големиот јунак Александар Турунџев, оперскиот пејач Игор Дурловски лани, на овој ден, го промовира видеото со својата изведба на песната „Црно му било пишано на Александар Турунџе“.
Дурловски песната ја изведува во пијано придружба и аранжман на Николче Мицевски, а продукцијата е на XL Studio Momiroski, додека видеото е на Николај Грнчаров.
– Изведбава е омаж и благодарност кон подвигот што останува вечен симбол за Битола и Македонија. Ова е песна што не потсетува дека хероите живеат во нашата музичка меморија – напиша на својот профил на Фејсбук Дурловски.
Во чест на Турунџев, минатата година во организација на Општина Битола, во 19:30 часот од ОУ „Ѓорѓи Сугарев” каде бил затворен, тргна поворката во негова чест која се движеше преку плоштадот Магнолија, крај реката Драгор, Ат Пазар до местото каде лани беше поставен споменикот. Таму во очи на откривањето на споменикот дурловски премиерно ја изведе „Црно му било пишано”.