Македонија

Ескалира скандалот што го обзнани expres.mk – Компанијата ,,Кликни Јади” објави дека веќе не прима нарачки

Засега не е познат точниот број на ресторани кои што може да бидат погодени од овој случај ниту штетата која може да биде нанесена на бизнисот

Скандалот што денеска го обзнани expres.mk ескалира: откако компанијата Кликни Јади попладнево објави дека веќе не прима нарачки.

На својата веб страница Кликни Јади на која денеска не можеше да се нарача храна официјално објави дека на неопределено време ја суспендира услугата нарачка на храна.

,,Почитувани корисници, нашата услуга за достава ќе биде привремено прекината од денес, за неопределен временски период. Благодариме на разбирањето”, објави компанијата.

Предходно expres.mk објави дека речиси 300 скопски ресторани се во паника откако неколку дена никој од сопствениците не може да стапи во контакт со компанијата Кликни Јади.

 

 

Во моментов преку оваа компанија која беше една од водечките во бизнисот не се врши достава на храна и пијалоци не може да се нарача ништо.

 

Паниката меѓу ресторанџиите кои соработувале со Кликни Јади започнала пред неколку месеци кога компанијата почнала да забошотува со исплатата на храната која ја доставува кон крајните корисници.

 

 

,,Мислевме дека е привремен застој и дека соработката ќе продолжи без проблеми но од тогаш минаа месеци а компанијата не успева да го врати долгот кон мојот но и други ресторани. Добивавме уверување дека долговите ќе бидат расчистени но од пред неколку дена не можам да стапам во контакт со менаџерите со кои работам со години”, вели за expres.mk познат скопски угостител кој осака да остане анонимен а кој не сака да ја открие сумата која ја побарува за која нервозно вели дека е во рангот на ,,Боли глава”.

 

На сајтот на Кликни Јади денеска не може да се нарача ништо а на телефоните на компанијата не се јавува никој.

 

 

Според податоците до кои дојде expres.mk компанијата лани имала 129 милиони приход со пријавен профит од помалку од 6000 евра.

 

Поради принципот на работа на Кликни Јади според кој компанијата ги добивала парите од муштериите и подоцна ги префрлала на своите 300 партнери (како што стоеше во објавите на компанијата) ресторани и угостителски објекти сумата која што можат да ја загубат угостителите може да биде милионска.

Засега не е познат точниот број на ресторани кои што може да бидат погодени од овој случај ниту штетата која може да биде нанесена на бизнисот.

Првичната информација на expres.mk на овој линк

https://expres.mk/makedonija/ekskluzivno-panika-megju-skopski-ugostiteli-propagja-li-ogromna-kompanija-za-dostava-na-hrana/

Најнови вести од: Македонија

Во 21 век во македонските села нема матични лекари – секој се снаоѓа како знае и умее

Директорот на Фондот ги повика сите заинтересирани да дадат предлози какви мерки да се воведат за да се смени оваа состојба. Ги повикува сите матични лекари кои работат во руралните подрачја, како и кој било заинтересиран, вклучувајќи го и Здружението на приватни лекари, да дадат предлози да работат како рурални матични лекари.

За малку ќе се степаа приватните превозници со директорот на „ЈСП Скопје“

Врие вербалната пресметка помеѓу приватните превозници и ЈСП превозниците тврдат дека ЈСП има заостанат долг од 170 милиони денари кон нив од кои 90 милиони веќе се доспеани, директорот Кушовски им рече долгот постепено се намалувал, но чуда не може да направиме.

To top