Според Фокус финансиското друштво „Креди Јес“, познато по нудење на брзи кредити, останува без лиценца за работа откако Министерството за финансии утврдило сериозни повреди на законските обврски.
Според информациите, друштвото зад кое стојат сопственици од Бугарија, веќе ги затвора своите околу 40 филијали низ целата земја, а околу 120 вработени добиле известување дека им е прекинато работењето. „Креди Јес“ ќе може да продолжи само со наплата на постоечките побарувања кон клиентите.
„Креди Јес“ започна со работа во Македонија во 2019 година. Во минатата година компанијата остварила приходи од околу 4 милиони евра и добивка од приближно 1,15 милиони евра, со што се наоѓаше меѓу поголемите играчи на пазарот на финансиски друштва.
Министерството за финансии соопшти дека дозволата за работа е одземена по вонреден надзор, кој бил спроведен по пријава од граѓанин. Од Министерството не соопштија детали за конкретните прекршувања, туку само дека станува збор за сериозни повреди на законските обврски.
Министерството за финансии одзеде дозвола за работа на големо финансиско друштво
Кое е финансиското друштво кое остана без лиценца за работа за кршење на законот?