Македонија

Филипче во стилот на Бошко Буха, најави дека ќе има нови бомби (ВИДЕО)

Претседателот на опозициската СДСМ, Венко Филипче, најави радикална промена во борбата против корупцијата: партијата повторно ќе „пушта бомби“, но овој пат тие ќе бидат кривични пријави против актуелни функционери од владејачката гарнитура

2 минути за читање

Претседателот на опозициската СДСМ, Венко Филипче, најави радикална промена во борбата против корупцијата: партијата повторно ќе „пушта бомби“, но овој пат тие ќе бидат кривични пријави против актуелни функционери од владејачката гарнитура. Наместо нелегално прислушкувани разговори, овие „бомби“ ќе ги подготвуваат млади партиски активисти, кои Филипче ги нарече „нова сила“ – генерација подготвена да ги разоткрие корупциските шеми.

На денешната прес-конференција, Филипче упати отворен повик до главната европска обвинителка Лаура Ковеши да ја посети Македонија и лично да се запознае со, како што рече, „малверзациите што ВМРО-ДПМНЕ ги прави со европските фондови“. Тој најави и покана за италијански антикорупциски експерти со искуство во борбата против мафии, уверувајќи дека штом ја победиле Коза Ностра, ќе ја совладаат и „мафијата на ВМРО-ДПМНЕ“.

– СДСМ ја повикува европската обвинителка Лаура Ковеши да се запознае со малверзациите со европските фондови, меѓу кои и тоа што е веќе јасно, ИПАРД програмата во која се загрозени 130 милиони евра. Власта единствено нешто што прави со скандалот со ИПАРД е да ја дефокусира јавноста. Наместо одговорност после апсењето на директорот во Агенцијата за финансиска поддршка, член на ВМРО-ДПМНЕ, гледаме само спинови и обвинувања кон опозицијата. Не е ова темен вилает на ВМРО-ДПМНЕ да си играат со судбината на Македонија и со европската иднина на граѓаните – рече Филипче.

Втората клучна иницијатива е формирањето на антикорупциски тим во рамките на партиската програма „Нова сила“. Овој тим ќе биде составен од експерти и советници од областа на правото и финансиите, но пред сè од млади активисти и истражувачи на СДСМ. Неговата задача ќе биде да истражува скандали, да ги разоткрива корупциските шеми и да поднесува кривични пријави до национални и меѓународни институции.

– Превенцијата не успеа, корупцијата ескалираше. Секој што крадел ќе одговара. Ние ги спремивме новите бомби, 2.0, утре ќе објавиме нова, за нов скандал и корупциска шема на владејачката гарнитура – рече Филипче.

Овие најави доаѓаат во време на зголемени тензии околу скандалот со ИПАРД, каде што се загрозени 130 милиони евра европски средства, и апсењето на директорот на Агенцијата за финансиска поддршка, кој е член на ВМРО-ДПМНЕ. Филипче ги обвини властите дека наместо одговорност, се обидуваат да ја дефокусираат јавноста со спинови и обвинувања кон опозицијата.

 

СДС најавува „бомби за ВМРО ДПМНЕ“, но што кога ним ќе им пукнат во дворот „обвинителските бомби“ за пљачкањето на државниот буџет?!

Поврзани теми:

топ|Венко Филипче|СДСМ|бомби|Бошко Буха

Повеќе на оваа тема:

Најнови вести од: Македонија

Манасиевски: СДС ги распродадоа македонските национални интереси, а сега и Филипче е подготвен за уставни измени веднаш без услови и гаранции!

„Од СДС постојано се претставуваат како проевропски, затоа што веројатно тоа им е единствен аргумент,кој го имаат откако додека беа на власт ги распродадоа македонските национални интереси. Овој нивни аргумент не е поткрепен со нивното однесување во јавноста. Филипче се однесува како да го знае само тој патот кон ЕУ, а неговата шема не познава никакви црвени линии.“ – нагласи Валентин Манасиевски, пренесувајќи ја реакцијата на ВМРО ДПМНЕ.

МИА: Основниот кривичен и Апелацискиот суд во Скопје ги изиграа 15-те осудени на 200 години затвор за „27 април““, сепак можеа да го повторат судењето!

Јане Ченто во понеделникот поднесе кривична пријава против поранешната обвинителка Вилма Русковска, тврдејќи дека таа сторила кривично дело во текот на постапката за случајот „27 април“, за да изнуди лажно сведочење на сведок во процесот, поради што 15 лица беа осудени за тероризам и добија вкупна казна од над 200 години затвор.
Поводот за ваквиот потег е последната одлука на Апелација од 2 април, со која се одбива барањето на осудените и оштетените од процесот „27 април“ за повторување на постапката во нивна корист. – пишува во анализата на Македонската информативна агенција – МИА во својата редакциска анализа со наслов „Како Основниот кривичен и Апелационен суд во Скопје ги изиграа 15 осудени на 200 години затвор за ‘27 април’?“.

„Вечер“: Филипче и Заев и другите мафијаши во СДСМ соработуваат со балканската мафија, подготвени да ги исполнат бугарските услови, само да ги урнат владата и Мицкоски!

„На обичен набљудувач на политичките настани во Македонија се уште му е нејасно зошто и како сегашното раководство на СДСМ душмански ја растура сопствената партија. Дали е тоа за интерес на мафијата во партијата која се плаши од внатрешен преврат, или се работи за досега невиден аматеризам и политичка неписменост? Одговор на оваа дилема најверојатно е збир на двете варијанти.“ – нагласува весникот „Вечер“ во својата редакциска анализа со наслов „А каде е деновиве Филипче? Со Кавачкиот клан на средување на сметките, или на концерт на Харис?“

Нови правила за возење во Грција: што мора да има секој возач од Македонија во автомобилот, за да избегне казна?

Со почетокот на туристичката сезона 2026 година, Грција воведува построги правила за безбедност во сообраќајот, кои директно ги засегаат и странските возачи, вклучително и македонските туристи. Новите прописи не се ограничуваат само на однесувањето на патот туку детално ја регулираат и задолжителната опрема што мора да се наоѓа во секое возило. Контролите се засилени, а казните – иако во некои случаи симболични – се неизбежни доколку недостига дури и еден елемент. Новите правила во Грција не се формалност, туку дел од поширока стратегија за зголемување на безбедноста на патиштата. За македонските туристи, тоа е важна подготовка пред тргнување: проверка на опремата во возилото. Најголемата промена, новиот стандард за прва помош, е и најчеста причина за казни. Затоа, експертите советуваат: подобро е однапред да се инвестира во целосна и усогласена опрема отколку да се плаќа казна веднаш. Во пракса, не станува збор само за законска обврска туку и за прашање на лична безбедност, особено кога патувате стотици километри далеку од дома.

Провокација на Османи: Да создадеме фронт на отпор против агресијата врз Албанците во оваа пропадната држава – Албанците не прифаќаат да бидат кираџии во неа!

„Да се здружиме и да се мобилизираме против ова зло, против оваа политичка агресија, која се врши кон Албанците. Да создадеме фронт на отпор во оваа вонредна ситуација, која бара од нас сеопшта мобилизација.“ – изјави потпретседателот на ДУИ и поранешен министер за надворешни работи Бујар Османи, изнесувајќи тешки провокации во емисијата „Дебата“ на ТВ Шења. Повикот за мобилизација“ тој го упати, како што рече, до „сите непартиски луѓе, медиумите, бизнисите, невладините организации“, а потоа „ќе се зборувало за политичките партии и кој ќе биде на власт“. Меѓутоа, овој „повик“ на Бујар Османи, кој е и сѐ уште портпарол на ДУИ, е едновремено повик и за уривање на постојната Влада на Република Македонија и одраз на намерата на ДУИ да се врати „триумфално“ на власт!
Сите вести од Македонија

Најнови вести

To top