Густ чад и миризба на запалено ѓубре и пластика кај селата Батинци и Студеничани. Сè уште гори депонијата „Дрисла“. Пожарот ќе се затрупува оти не се гасне со вода. Тоа им предизвикува дополнителни главоболки на мештаните, оти како што велат, дишат отров опасен и за луѓето и за стоката.
Екоцидот во Скопје е пристигнат на голема врата, се жалат жителите. Во секоја општина горат депонии, главниот град стана големо буниште. И со затворени врати и прозорци од смрдеата и чадот нема спас, реагираат мештаните.
Големото количество на запален отпад, со години го тиштеле локалното население, се жалат тамошните жители.
Од Дирекцијата за заштита и спасување велат дека надлежноста врз депонијата ја презема Главниот штаб за управување со кризи, поради прогласената кризна состојба во државата.
И лекарите алармираат дека состојбата е загрижувачка.
И додека Скопје се гуши во неподнослива реа – пожарот во депонијата „дрисла“ и натаму е активен.
Според моменталната состојба, пожарот е под контрола и не претставува закана за околната шума или населени места.