Претседателот на Собранието, Африм Гаши, упати честитка до граѓаните по повод 23 Октомври – Денот на македонската револуционерна борба.
Во објава на социјалните мрежи, тој пишува дека „одбележувањето на овој празник е можност со почит да се осврнеме на минатото, но и повторно да ја потврдиме нашата заедничка одговорност за изградба на демократско, стабилно и просперитетно општество“.
„По повод 23 Октомври – Денот на македонската револуционерна борба, упатувам искрени честитки до сите граѓани на Република Македонија. Овој значаен датум нè потсетува на издржливоста, храброста и напорите на генерациите пред нас во нивната потрага по слобода, достоинство и независна државност. Нивната борба и жртва претставуваат суштински дел од историскиот темел врз кој денес ја градиме нашата заедничка иднина“. „
Одбележувањето на 23 Октомври е можност со почит да се навратиме на минатото, но и повторно да ја потврдиме нашата заедничка одговорност за изградба на демократско, стабилно и просперитетно општество – општество втемелено врз меѓусебна почит, единство и европски вредности.
Само преку обединување околу заедничките интереси и почитување на разликите можеме да изградиме држава во која секој граѓанин се чувствува еднаков, безбеден и почитуван“, напиша Гаши.