Новиот градоначалник на Скопје Орце Ѓорѓиевски ќе бара и хиерархиска одговорност за овозможувањето да се зема плата без да се оди на работа во скопските јавни претпријатија. „Стојам зад сите факти, што ги изнесов во јавноста. Околу 500 лица се отстранети од списоците на вработени во јавните градски претпријатија, кои земале плата, а не оделе на работа, односно го прекршиле Законот за работни односи и дисциплината во претпријатието. Сакам да има и хиерархиска одговорност, што подразбира не само да бидат отстранети овие лица од списоците за вработување, туку да има и одговорност за оној, кој што потпишувал да земаат плата, а да не работат, но и за директорот, кој сето тоа го одобрувал.“ – нагласи Ѓорѓиевски
Скопје годинава ќе добие новогодишна прослава каква што заслужува секоја метропола, најави вечерва скопскиот градоначалник Орце Ѓорѓиевски. „Во програмата не беа предвидени пари за предновогодишно украсување. Но со ребалансот на буџетот во петок ќе предвидиме средства за китење на главниот град и ќе биде организирана новогодишна прослава, каква што треба за граѓаните и пречек на Новата година. Со тоа конечно Скопје ќе биде украсено како што треба да биде и како што заслужуваат нашите граѓани.“ – посочи градоначалникот Ѓорѓиевски.