Тој најави дека неговата програма предвидува системска и финансиска поддршка за спортскиот симбол на градот, но и лична поддршка преку присуство на трибините секогаш кога ќе има можност, со што испраќа јасна порака дека ќе биде и партнер и навивач на Вардар.
„Вардар е брендот на градот во кое што јас ќе имам сериозни вложувања и поддршка како градоначалник, и за фудбалскиот клуб и за ракометниот клуб. Нешто на кое што сериозно ќе се посветам. Без разлика кој сум и сум што сум за мене Вардар е посебна емоција и кога можам секогаш ќе бидам присутен на нивните натпревари да ги бодрам.“ -истакна Ѓорѓиевски.
Со оваа порака, Ѓорѓиевски испрати јасен сигнал дека спортот ќе биде еден од неговите приоритети во идното работење, а Вардар – како симбол на скопскиот и македонскиот спорт – ќе добие поддршка што ќе ја врати гордоста на клубот и навивачите.
