Градоначалникот на Општина Битола Тони Коњановски приреди прием за Ален Рустемовски, македонски боксер, кој освои бронзен медал на Европското првенство во Бугарија.
Ален Рустемовски испишува историја во македонскиот бокс, истакна градоначалникот Коњановски на приемот за Рустемовски и неговиот тренер Јове Петровски.
-Задоволство беше да се слушне за овој голем успех, односно освоениот бронзен медал на Европското првенство што се одржа во Бугарија. Рустемовски не застанува тука, пред него се нови предизвици. Во оваа прилика сакам да потврдам дека Општина Битола со средства од еден милион денари ќе го поддржи Рустемовски да се подготвува и обезбеди пласман на Олимписките игри, истакна градоначалникот Коњановски.
За време на приемот беше нагласено дека после 20 години повторно во Македонија пристигна европски медал во бокс кој овој пат го освои битолчанецот Ален Рустемовски.