Македонија

Ѓорѓиевски-Колумбиа: Разгледани тековните и идните можности за соработка меѓу Град Скопје и ОН

Актуелните градски проекти, рамномерниот развој и соработката со меѓународните институции биле во фокусот на денешната средба во главниот град, соопштија од Град Скопје. Имено, градоначалникот Орце Ѓорѓиевски оствари официјална средба со постојаниот координатор на Обединетите Нации во земјава, Рита Колумбиа.

2 минути за читање

Градоначалникот на Град Скопје,Орце Ѓорѓиевски денес оствари конструктивна средба со постојаниот координатор на Обединетите Нации, Рита Колумбиа, на која беа разгледани тековните и идните можности за соработка меѓу Град Скопје и Обединетите Нации. На средбата се разговараше за проектите што Град Скопје ги реализира со цел обезбедување рамномерен и одржлив развој на сите градски населби, со посебен акцент на подобрување на квалитетот на живот на граѓаните.

Како што информираше Ѓорѓиевски преку социјалните мрежи, ова е нивна втора средба на која се отворени неколку клучни прашања за функционирањето на градот. Посебно внимание беше посветено на темите поврзани со зголемено користење на обновливи извори на енергија во јавните објекти, како и на создавање подобри услови и еднакви можности за лицата со попреченост.

Ова е втора средба меѓу претставниците на Град Скопје и Обединетите Нации, при што беше потврдена заедничката определба за продлабочување на меѓусебната соработка преку реализација на конкретни проекти од интерес за граѓаните. Соговорниците разговараа и за можностите за поттикнување на волонтерството и поголемо вклучување на младите во процесите на носење одлуки и креирање политики важни за развојот на градот.

Од Град Скопје истакнуваат дека ваквата соработка претставува значаен чекор кон создавање современ, инклузивен и одржлив град, кој рамномерно се развива и одговорно се грижи за потребите на сите граѓани.

Поврзани теми:

соработка|актуелно|Орце Ѓорѓиевски|градоначалник на Град Скопје

Повеќе на оваа тема:

Најнови вести од: Македонија

Богатото културно наследство на Македонија низ музејските поставки – Кога последен пат бевте во музеј?!

Минатото повторно оживува во „Музејот на Македонија“. Во срцето на старата скопска чаршија, меѓу артефакти стари илјадници години, посетителите ја откриваат приказната за македонското културно наследство.

Бериша: Точната адреса за студентските протести е пред седиштето на ДУИ во тетовска Мала Речица!

„Точната адреса на протестот за полагање на правосудниот испит е Мала Речица, кај Тетово, протестите на погрешна адреса не ја постигнуваат целта! Да, студентите денес апсолутно имаат право да протестираат, но не и политичарите, кои не ја почитуваа и ја спречуваа демократијата!“ – реагира остро политичкиот аналитичар и новинар во Албанската редакција на Македонската Радио и Телевизија Ејуп Бериша во врска со денешниот протест на студентите-Албанци во Скопје.

Ивор Мицковски: Денеска ДУИ вади на улица деца за права, кои самата не ги исполни додека владееше! Дваесет и две години власт и само етнички зулуми!

Остра реакција на новинарот и политички аналитичар кон „интегративците“ од тетовска Мала Речица во врска со денешниот протест на студентите-Албанци во Скопје околу полагањето правосуден испит на албански јазик.

Сиљановска-Давкова: Проширувањето на ЕУ да не се кочи со идентитетски прашања! Доверливоста на евроинтеграцијата зависи од примената на Копенхагенските критериуми!

„Во Љубљана заедно со претседателката Наташа Пирц Мусар потврдивме дека македонско-словенечкото пријателство се темели на заемна почит, европски вредности и визија за стабилен и обединет регион, како важен фактор на европската стабилност. Искрена благодарност до Словенија, како еден од нашите најголеми политички пријатели и поддржувачи на патот кон ЕУ. Важно е проширувањето на ЕУ да не се кочи со билатерализација, врзана за идентитетски прашања, спротивно на основните вредности и принципи на конститутивните акти на ЕУ.“ – објави претседателката на Република Македонија Гордана Сиљановска-Давкова на својот официјален фејсбук-профил.

Пирц-Мусар: Поради една членка Македонија не може да отвори ниедно поглавје! Тоа не е правично кон земја, што цели да влезе во ЕУ!

Словенечката претседателката Наташа Пирц Мусар денеска, по средбата со македонската претседателка Гордана Сиљановска Давкова, порача дека „Словенија останува цврст поддржувач на европската интеграција на С.Македонија“, како и дека ќе продолжи активно да се залага за забрзување на пристапниот процес на земјите од Западен Балкан во ЕУ. Словенија се залага поглавјата да се отвораат со квалификувано мнозинство. Словенија е иницијатор и дел од групата од 15 земји членки кои предлагаат отворањето на посебни преговарачки поглавја за земјите кандидати да се одвива со квалификувано мнозинство, додека конечната одлука за прием во Европската Унија и понатаму би останала предмет на консензус меѓу земјите членки.

Средба Мицкоски-Касами-Меџити за правосудниот испит: Институциите работат на изнаоѓање решенија, целосно усогласени со Уставот и законот за употреба на јазиците

Денес претседателот на Владата Христијан Мицкоски одржа работна средба, на која присуствуваа сопретседателите на Вреди Билал Касами и Изет Меџити, на која се разговараше за употребата на јазиците при полагање на правосудниот испит.

Вреди ги критикува протестите: Организаторите се запалени активисти на ДУИ, се манипулира со студентите, заради политичко враќање на истрошени личности!

„Вреди реагира на студентските протести, обвинувајќи дека се водени од политички интереси поврзани со функционери на ДУИ! Според реакцијата, партијата смета дека е парадоксално тоа што луѓе, блиски до поранешната влада, протестираат за проблеми кои, според нив, не биле решени за време на 22-годишното владеење на ДУИ“ – објави денес информативниот портал „Порталб“ од Скопје.

Османи ја повикува меѓународната заедница да се вмеша во Македонија, „заради одбрана на албанскиот јазик“ и вели дека „студентите веќе ја презедоа работата во свои раце“!

„Потпретседателот на ДУИ и поранешен министер за надворешни работи Бујар Османи реагира на протестот на студентите-Албанци студенти во Скопјe, изразувајќи поддршка за ‘нивната посветеност на заштитата на правата на албанскиот јазик’. Преку јавна објава на фејсбук  Османи иронизира со повиците за смиреност и пасивност, нагласувајќи дека иницијативата сега е во рацете на студентите!“ – објави дене весникот „Лајм“.  Информативниот портал „Тетова сот“ претходно го пренесе повикот на Бујар до меѓународната заедница да интервенира во Македонија, заради „одбрана на албанскиот јазик“ во Македонија, која е за него „држава на два главни народа“.
Сите вести од Македонија

Најнови вести

To top