Невладина организација од Македонија е ставена на листата актери кои се поврзани со терористички организации.
Листата е направена од Египет, а меѓу 35-те има и една од Македонија.
„Египет стави 35 исламистички организации, поврзани со Европа, на својата листа на терористички организации. Муслиманските земји сега воведуваат санкции против европски субјекти поради тоа што се премногу екстремни, пишува во објавата.
Египетските власти ги поврзуваат овие тела со транснационални исламистички движења (како „Муслиманско братство“), кои во Египет се забранети и се сметаат за екстремни.
Станува збор за Islamic Youth Association. Организацијата е наведена и како членка на FEMYSO (Forum of European Muslim Youth and Student Organisations), европска мрежа на младински и студентски муслимански организации.
Ставањето на оваа листа од страна на Египет подразбира воведување финансиски санкции, замрзнување на имот и забрана за активности поврзани со египетски субјекти за период од 5 години.