Во видео кое не беше многу забележано во јавноста објавено пред речиси еден месец екс претседателот Стево Пендаровски побарал смена во СДСМ затоа што партијата не успела да го искористи наводниот отпор на јавноста кон владата на ВМРО-ДПМНЕ.
СДСМ не успеа да го канализира објективното опозиционо расположение кај граѓаните, сметал Пендаровски пред еден месец.
„Рецептите за тоа во светот се јасни. Или ја менувате политичката стратегија, пристапот кон гласачите или носите други луѓе кои може да пристапат до одредени слоеви…”, вели Пендаровски во интервјуто за БИРН.