На утринската церемонија во Бигорскиот Манастир еден од илинденските коњаници даде заклетва и веднаш на изненадување на неговата девојка ја запроси ,,комитката”.
Стефан Ѓурчиноски од гостиварското село Тумчевиште го направи решителниот чекор и веднаш откако даде заклетва дека ќе ја чува Македонија и откако го слушна одговорот од својата сакана со златен прстен се обврза на вечна љубов.
Идната невеста е Марија Давидовска од село Стенче кое се наоѓа во Брвеница, на половина пат меѓу Гостивар и Тетово.
Годинава двајцата се дел од Илинденската коњаница, Стефан по петти пат јава со здружената коњаница ,, Бигорски Манастир – Патот на Патот на Црешовото Топче“.
На Марија и е прв пат да јава со коњаниците и веднаш беше запросена од својата љубов.
Овој дел од денешните настани во Бигорскиот Манастир е по 8 – та минута во видеото со цела церемонија за Илинденските коњаници