Еден од најбогатите луѓе на светот Илон Маск денеска ја формирал ,,Американската партија”, движење кое има за цел да го собори двопартискиот систем во САД.
Откако вчера на социјалната мрежа Х на поранешен Твитер објави анкета со прашање дали американците сакаат трета партија, Маск денеска веќе ја формирал партијата.
,,Со фактор 2 спрема 1, сакате нова политичка партија и ќе ја имате!
Кога станува збор за банкротирање на нашата земја со расипништво и корупција, ние живееме во еднопартиски систем, а не во демократија.
Денес, Американската партија е формирана за да ви ја врати слободата”, објави Маск.
Веста ја потврдува и алатката за вештачка интелигенција ГРОК која е создадена од неговиот тим во Твитер.
,,Да, вистина е. Илон Маск денес на X го објави формирањето на Американската партија, наведувајќи ја фрустрацијата од расипничкото трошење во еднопартиски систем”, пишува ГРОК.
Маск беше еден од најблиските соработници на Доналд Трамп додека не се судрија пред околу еден месец кога Трамп протурка закон со кој се зголемуваат трошоците на државата и се зголемува лимитот на задолженост на САД.
Маск го обвини Трамп дека е на списоците на синџирот за педофилија на Џефри Епштајн а Трамп му порача дека треба да му се скратат субвенциите што ги добиваат неговите фирми индиректно дури и да биде протеран во Јужна Африка од каде што потекнува еден од најбогатите луѓе на светот