„Сега не е моментот да давам политички изјави, но секако имам што да кажам за психотропните супстанци на одредени лица и за парите што така лесно ги имаат заработено во изминатиот период“, изјави Петре Шилегов вечерва во емисија на 4ТВ од Кочани во врска со исклучувањето од СДСМ.
Како бранител на еден од обвинетите во судскиот процес за трагичниот пожар во дискотеката „Пулс“, а во знак на почит за 63. жртви и над 200 повредени, поранешниот градоначалник на Скопје и бивш пратеник на СДСМ на годишнината од трагедијата одби да коментира за одлуката на Извршниот одбор на неговата сега веќе експартија.
Бившиот потпретседател и член на ИО на опозициската партија најави дека ќе реагира за одлуката утре.