Македонската музичка сцена остана без еден од своите најпрепознатливи интерпретатори на народната песна. Почина Наум Бурназ, доајен на македонската изворна музика, чиј глас со децении беше препознатлив симбол на традицијата и музичкото наследство.
Во текот на својата богата кариера, Бурназ остави длабока трага на македонската естрада, изведувајќи голем број народни песни кои и денес се дел од музичката ризница на Македонија. Со својот препознатлив вокал, исклучителна интерпретација и посветеност кон народната песна, тој успеа да ги освои срцата на повеќе генерации љубители на македонскиот фолклор.
Негова најпозната антологиска изведба е песната за укинувањето на Охридската Патријашија ,,1762 лето” позната и како Песна за патрикот која е народна песна
за која текстот е на Григор Прличев а Бурназ за пееше во аранжман на Миодраг Божиновски.
Со заминувањето на Наум Бурназ, Македонија загуби истакнат музички уметник, но неговото дело ќе продолжи да живее преку песните што ги остави зад себе и кои ќе останат дел од културното наследство за идните генерации.