Македонија

Ивановски: Железничката станица во Скопје ќе се реконструира целосно, за да добие современ лик

„Осовременетата железничка станица ќе претставува архитектонско решение како спој на првичниот изглед од Кензо Танге со додадени нови современи елементи, нова електрична инсталација, комунална инфраструктура и машински дел.“ – изјави Синиша Ивановски, директорот на Јавното претпријатие Железници инфраструктура, во неделното интервју за Радио Слободна Европа.

1 минута за читање

Ивановски посочува дека започнале со проектирањето за целосна реконструкција на железничката станица во Скопје и внатрешно и надворешно. „Проектот се работи заедно со Градежниот и со Архитектонскиот факултет. Во моментов се отстрануваат рекламните паноа. Овој проект треба да биде готов за една и пол година до две од денес. Потоа ќе бараме финансирање за да се реализира.“ – посочи првиот човек на Јавното претпријатие Железници инфраструктура Ивановски.

Тој додава дека во меѓувреме е почната акција за отстранување на сите билборди, што ја нагрдуваат станицата. „Дел од билбордите се постојни, а дел се од пред дваесетина години. Потоа ќе имаме голема акција да ги отстраниме сите графити, сите постери и да ја вратиме првичната боја на столбовите, со цел да го запазиме првичниот изглед на железничката станица без овие графити, постери и т.н.“ – укажува Синиша Ивановски во интервјуто.

Нетпрес

Поврзани теми:

актуелно|избор|Железничка станица во Скопје|целосна реконструкција

Најнови вести од: Македонија

Владата ги испраќа имињата на кандидатите за јавен обвинител до Советот на јавни обвинители

Официјално не се соопштени имињата на кандидатите, но според потврда на самите кандидати, се работи за моментната вршителка на должноста државна јавна обвинителка Анита Тополова-Исајловска, обвинителката од скопското Обвинителство Лидија Раичевиќ, обвинителката Ленче Ристовска, судијата од Кривичниот суд Ненад Савевски и поранешниот претседател на Кривичниот суд Владимир Панчeвски.

За Хоџа „РМ може да се гради само со партнерство меѓу Албанците и Македонците“, а „ДУИ нема да влегува во владата без договор“?!

Потпретседателот на ДУИ, Арјанит Хоџа, во Клик Плус на ТВ21 „остро ја критикуваше“ актуелната Влада, велејќи дека „нејзините цели биле јасни уште од почетокот“: „слабеење на позицијата на Албанците во Македонија и легитимирање на таа политика преку мала група луѓе“. Тој нагласи дека, „ДУИ не може да влезе во Владата без политички договор“. Според Хоџа, „ова е првата Влада во историјата на државата која е формирана без политичка програма на албанските партии“. Ова го објави ТВ 21.

Закани по животот на новинарот Видиновски : „Смрт за вас!“, „Копилиња асномски!“ – МАН повикува ЈО веднаш да реагира!

Македонската асоцијација на новинари – МАН го повикува јавното обвинителство по службена должност веднаш да преземе мерки против лицата кои со име и презиме му се закануваат на новинарот и уредник во Канал 5 ТВ Александар Видиновски, шират говор на омраза, ксенофобија, предизвикуваат национална нетрпеливост и упатуваат закани по неговиот живот, по објавата на неговото видео за непрописно паркираните возила пред Бугарската амбасада.

Сиљановска-Давкова: Евроинтеграцијата на Балканот e стратегиска потреба за стабилноста и безбедноста на Европа

Претседателката на Република Македонија Гордана Сиљановска-Давкова во рамки на учеството на Светскиот самит на владите во Дубаи оствари средба со претседателот на Република Естонија Алар Карис, на којашто беа потврдени пријателските односи и естонската поддршка за македонските евроинтеграции. Сиљановска-Давкова се заблагодари за активната улога на Естонија во групата „Пријатели на проширувањето“ и искажа интерес за јакнење на заемната соработка со балтичката земја и склучување договори во областите од заемен интерес.
Сите вести од Македонија

Најнови вести

To top