Раиниер Јарсма, холандски експерт за балкански, евроазиски и трансатлантски прашања анализира дека Европската Унија не може да гарантира дека Бугарија нема да ја блокира Македонија за идентитетски прашања.
Во коментар на четврттата годишнона од потписот на Францускиот предлог од страна на владата на СДСМ и ДУИ тој заклучува дека Брисел не може да даде гаранции за бугарско вето за Македонија во иднина.
,,Четири години по потпишувањето на „вториот протокол“ меѓу С. #Македонија 🇲🇰 и #Бугарија 🇧🇬 и сè уште е во ќорсокак: уставните измени остануваат заглавени во парламентот и 🇪🇺 не може да гарантира дека претпристапниот пат на 🇲🇰 нема да биде блокиран поради прашања поврзани со идентитетот”, пишува Јарсма.
Тој дообјаснува дека институциите на ЕУ едноставно не можат да даваат такви гаранции во име на земја-членка. Европскиот парламент може да усвои резолуција за да ги критикува постапките, и тоа го направил до одреден степен, но „гаранции“ едноставно не постојат во оваа област, смета Јарсма.
Во објаснувањето за кое вели дека не е личен став кажува дека процесот е едноставен: ,,Секоја земја-членка на ЕУ може да блокира земја-кандидат кога сака, на секој чекор од патот. Сепак, колку е ефикасна таа блокада, зависи од тоа колку политички капитал сака да потроши блокаторот и од тоа колку се подготвени другите држави да замижат”.
Затоа, според него постојат само два начина на кои можете да се максимизираат шансите да нема блокада:
1) Инвестирајте во добрососедски односи за да имате помала веројатност да бидете блокирани
2) Спроведете ги потребните реформи за да им биде потешко на другите земји-членки да замижат
Јарсма дообјаснува дека условот за спроведување на уставните измени е услов на ЕУ, зацементиран во резолуција на Советот на ЕУ, и затоа не е само услов за соседство. Тоа не е ниту прашање на идентитет; тоа е поврзано со правата на малцинствата и затоа е поврзано со acquis на ЕУ.
,,Ако ги погледнете сите други прашања за идентитетот во вториот протокол (кои беа отфрлени според францускиот предлог), многу е потешко да се поврзат со acquis. Откако ќе се отворат преговорите, 🇲🇰 е исто така во многу подобра позиција да се одбрани од нови барања”, заклучува холандскиот експерт.