Бизнис

Малопродажбата во ЕУ падна – Германија со најголем пад

Германија, Романија и Франција со пад на продажбата

2 минути за читање

Продажбата во малопродажниот сектор во Европската Унија значително се намали, а најизразен пад е забележан во Германија. Ова го покажуваат најновите податоци што вчера ги објави европската статистичка служба Евростат.

Во септември годинава обемот на малопродажбата во еврозоната се намалил за 0,7 проценти во споредба со август, додека на ниво на целата Унија падот изнесувал 0,6 проценти. Ова претставува пресврт во однос на претходниот месец, кога беше забележан раст од 0,4 проценти.

Најголемо месечно намалување е регистрирано во Германија – цели два проценти. Пад имало и во Романија (1,3 проценти), Португалија (0,9 проценти) и Франција (0,6 проценти).

Европските потрошувачи најмногу ги намалиле купувањата на непрехранбени производи, чија продажба во еврозоната паднала за 1,2 проценти. Продажбата на храна, пијалаци и тутун се намалила за 0,3 проценти, додека кај автомобилските горива е забележан раст од еден процент.

На годишно ниво, растот на малопродажбата останува слаб – 0,4 проценти во еврозоната и 0,9 проценти во Европската Унија.

Слабеењето на потрошувачката се случува во период кога домаќинствата се соочуваат со повисоки трошоци за енергија и сè уште присутна инфлација, што ја ограничува нивната куповна моќ. Намалената побарувачка во најголемите европски економии претставува ризик и за извозниците од регионот, вклучително и од Македонија.

Поврзани теми:

Европска унија|слаба потрошувачка|германија|еу|Романија|Франција

Повеќе на оваа тема:

Најнови вести од: Бизнис

ЕУ повика Македонија да се усогласи со политиките за критични суровини

Македонија сè уште треба да се усогласи со Директивата за критични суровини, како и да изготви и усвои соодветна легислатива за да се интегрира во синџирот на вредности на ЕУ за критични суровини, пишува во последниот Извештај на Европската комисија посветен на земјава.

Македонија се подготвува за енергетска транзиција: Регулативата е веќе дефинирана, а ЕВН досега инвестираше 850 милиони евра

Во земјава дел од корисниците веќе имаат паметни броила, а во нивно инсталирање компанијата инвестирала 45 милиони евра, како и дополнителни 28,3 милиони евра во опрема. Планирано е до крајот на 2030 година во проекти од ваков тип да се инвестираат уште 40 милиони евра.

Европската комисија ги потврдува отпорноста на банкарскиот сектор и јакнењето на финансиската стабилност

Во Извештајот за нашата земја за 2026 година Европската комисија го оценува банкарскиот сектор како отпорен, со солидна капитализираност, квалитет на кредитното портфолио и профитабилност. Воедно, се нотираат активностите на Народната банка за зајакнување на финансиската стабилност и усогласување со европските стандарди.

Златен медал за „Kumova Reserve“ на „Spirits Selection by CMB“ – традицијата и врвниот квалитет на „Тиквеш“ со меѓународно признание

Винарската визба „Тиквеш“ продолжува да го потврдува квалитетот на своето портфолио со ново значајно меѓународно признание. Лозовата ракија „Kumova Reserve“ освои златен медал на престижниот „Spirits Selection by Concours Mondial de Bruxelles“, натпревар кој секоја година обединува врвни производители и експерти од светот на жестоките пијалаци.

Инфлацијата повторно ја тресе Европа, во повеќе држави цените пораснале над 5%

Додека Европа повторно се соочува со забрзување на инфлацијата, а во шест земји од еврозоната годишното поскапување достигнува или надминува пет проценти, македонската статистика на прв поглед дава сосема поинаква слика – инфлација од нула проценти. Но дали тоа значи дека цените во Македонија престанале да растат или дека зад една статистичка бројка се крие многу посложена економска реалност?

Нешто посебно, нешто вкусно: Нови медитерански вкусови во Веро

Веро продолжува да го развива својот асортиман со производи кои внесуваат нови вкусови во секојдневната исхрана и им овозможуваат на потрошувачите да пробаат нешто поинакво од она што вообичаено се наоѓа на домашниот пазар.

Комерцијална банка е прва и единствена од Македонија на топ листата на Форбс

Од лидер на домашниот пазар до банка препознаена на глобалната финансиска сцена, Комерцијална банка продолжува да поставува повисоки стандарди, да создава долгорочна вредност и да го претставува македонското банкарство меѓу најуспешните банки во светот.
Сите вести од Бизнис

Најнови вести

To top