Македонија

Јорданов имал впечаток дека Бугарија против Македонија не играла со странски тим на ЕП во одбојка?!

„Аргументот“ на ексамбасадорот во Скопје е дека презимињата на мнозинството македонски одбојкари завршуваат на -ов и -ев

Поранешниот бугарски амбасадор во Скопје, Александар Јорданов, одамна не користи дипломатски речник кога зборува за Македонија, но по синоќешниот натпревар меѓу репрезентациите на двете соседни земји на отворањето на Европското првенство во Бугарија се надмина себеси во навредите кон „браќата“ отаде границата.

„Бев импресиониран што имињата на речиси сите одбојкари на нашиот противник завршуваа на -ов и -ев: Ѓорѓиев, Љафтов, Илиев, Маџунков, Ричлиев, Милев. А со -ски како премиерот Мицкоски, на пример, беше само Савовски. Впечатокот беше дека не играме со странска екипа“, се направи „улав“ првиот бугарски дипломат во Македонија од 2001 до 2005 година пред да употреби тој израз за македонскиот репрезентативец Ѓорѓи Ѓорѓиев поради неговата изјава на англиски јазик за бугарски новинар по мечот.

„Затоа, пак, одбојкарот Ѓорѓиев, кој се покажа дека играл шест години во бугарски екипи, се направи улав во смисла дека не разбира бугарски и ги замоли новинарите да му ги постават прашањата на англиски. Очигледно, тој внел голема количина антибугарски допинг“, додава поранешниот бугарски европратеник во блуткаво писание на Фејсбук со наслов „Ало Скопје, клучот!“ пред да истрела „рафал“ против Македонија.

„За жал, денес Република Северна Македонија продолжува да се однесува како поранешна југословенска република и во односите со нашата земја бара теле под волот. Затоа се замрзна пред вратата на Европската Унија. Сака да ја отвори оваа врата со зборови. Всушност, не го става клучот во бравата. А таков клуч е вклучувањето на бугарската национална заедница во нејзиниот Устав, како и гарантирањето на нејзините права. Во Скопје, тие имаат клуч, но не сакаат да го користат. Исто како одбојкарот Ѓорѓиев, кој додека играше за екипите на Пазарџик и Дупница, секогаш зборуваше англиски!?

Најновиот извештај на Европската комисија за напредокот на процесот на европска интеграција на Северна Македонија откри дека земјата има клуч, но не го користи. Ете тоа го вели извештајот. Но, не е ли јасно дека одбојкарски натпревар се добива со подобра игра, а врата се отвора со ставање на клучот во бравата? Не го знаат ли ова денешните Северномакедонци? Бидејќи другата работа е добро позната: ниту нација ниту држава не се гради со омраза. Ова се зборовите на македонскиот историчар Ванчо Минев.

И така. Бугарија го започна своето учество на Европското првенство во одбојка со победа, а Северна Македонија сè уште има долго време да се тутка пред бравата“, со нескриена омраза ќе финишира поранешниот претседател на Народното собрание на Бугарија, измислувајќи непостоечки народ со кованица произлезена од насила наметнатата географска одредница пред името на македонската држава.

 

Најнови вести од: Македонија

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

Уставни измени во 2001: Треба да се спречи Македонија и целосно да ја изгуби својата „македонска душа“ како држава! (3)

Ноемвриските уставни амандмани од 2001 година „инсталираа“ „фабрички дефект“ во функционирањето на политичкиот систем преку воведувањето на „консензуалната“, „договорна демократија“, предвидена да ја практикуваат „етничките поглавари“ на Македонците и Албанците. Експертите посочуваат дека таквата „договорна демократија“ ја претвори Македонија во непрогласена „двонационална држава“ со „отворена перспектива“ наместо унитарна држава да стане и „двокантонална федерација“, или можеби и конфедерација. Сегашната претседателка на Република Македонија Гордана Силјановска-Давкова учествувајќи на една научна расправа во МАНУ пред 19 години, тогаш како професорка по уставно право и уставен систем, констатираше дека „во 2001 година врз македонската држава беше спроведен рамковен и уставен инженеринг во режија на меѓународната заедница“. Силјановска-Давкова уште тогаш имаше изнесено предупредување дека е реална заканата „Македонија да стане ‘држава без душа“.

Мицкоски за ужасниот напад врз девојката во Охрид: Жестоко го осудувам ова дивјаштво! – Сѐ ќе сториме сторителот да одговара пред правда!

Премиерот Христијан Мицкоски упати остра осуда за нападот врз младата девојка во Охрид, изразувајќи поддршка до нејзиното семејство, ветувајќи дека институциите ќе сторат сè сторителот да биде изведен пред лицето на правдата.

To top